Almatyda bıyl taǵy 600 aýla kúrdeli jóndeýden ótedi
ALMATY. QazAqparat - Almaty ákimi jumys sapary barysynda qalanyń kósheleri men aýlalarynyń abattandyrylý jumystaryn baqylap kórdi, dep habarlaıdy QazAqparat tilshisi.
Qala basshysy Bostandyq aýdanyndaǵy Gagarın kóshesiniń jóndelýin kórdi. Almatyda bıyl uzyndyǵy 155 shaqyrym bolatyn 157 kósheni jóndeý josparda bar. Sonymen qatar Maqataev, Baıtursynov jáne Jarokov kóshelerindegi tramvaı joldary alynǵan soń keshendi jumystar júrgiziledi.
Almatyny rekonstrýktsııalaý aıasynda birqatar negizgi dańǵyldar men kósheler, sonyń ishinde Abaı, Abylaı han, Dostyq, Nazarbaev dańǵyldary qaıta jasalmaq.
Basqarma basshylary qala ákimine jyl aıaǵyna deıin Bostandyq aýdanynda 36 kósheniń jóndeletinin, 11 qosymsha beket kesheniniń ornatylatyn baıandady.
Uzyndyǵy 7,4 shaqyrym bolatyn aryq júıesi jańarady. 12 jer asty jáne 7 jer ústi ótpeli joldaryn jóndeý josparlanǵan. Aýdan turǵyndarynyń ótinishi boıynsha «ıÝjnyı» jáne «Drýjba» saıabaqtary retke keltiriledi.
Byltyr atalǵan aýdanda 30 aýla kúrdeli jóndeýden ótse, bıylǵy jazda 130 aýla jańarady.
«Shyndyǵyna kelsek, árqaısymyz úshin qala óz aýlamyzdan bastalady. Kósheler men dańǵyldardy qaıta jańǵyrtyp, almatylyq aýlalardyń qazirgi jaǵdaıyna kóz jumyp qaraı almadyq. Sondyqtan Memleket basshysynyń Joldaýyn jáne «Prezıdenttiń bes áleýmettik bastamasyn» eskere otyryp, biz bıýdjetti qaıta qarap, oǵan barynsha áleýmettik negiz berdik, ári naqtyly jobalar men nátıjelerge baǵyttadyq. Eger ótken jyly biz 455 aýla alańdaryn abattandyrsaq, bıyl qalanyń barlyq aýdandarynda 585 aýla qosymsha jóndeletin bolady», - dedi Baýyrjan Baıbek.
Aıta ketý kerek, Almaty ákimi buryndary trotýarlardy tekserýden ótkizip, jaıaý júrginshi qozǵalysyn qıyndatatyn zańsyz salynǵan qurylystardan arylýdy tapsyrǵan edi.
foto:1tulatv.ru
