Almatyda bıyl tabıǵı gazdan 10 adam ýlandy, onyń beseýi bala
ALMATY. QazAqparat- Almatyda bıyl tabıǵı gazdan 10 adam ýlandy, onyń beseýi bala. Abroı bolǵanda, bári aman. Bul týraly Óńirlik kommýnıkatsııalar qyzmetiniń alańynda ótken brıfıngte qalalyq Tótenshe jaǵdaılar departamenti Memlekettik órt baqylaý basqarmasynyń basshysy Danııar Júsipov málim etti, dep habarlaıdy QazAqparat tilshisi.
«Bıyl 2-shi qazan kúni Medeý aýdanynda jeke turǵyn úılerdiń birinde bes adam tabıǵı gazdan ýlandy, onyń ekeýi 2019 jáne 2022 jyly týǵan balalar. Abyroı bolǵanda bári aman- esen. Aýrýhanada medıtsınalyq kómek kórsetilgennen keıin olar úılerine shyǵaryldy. Osyǵan uqsas taǵy bir oqıǵa 31 qazanda Alataý aýdanynda 2 qabatty jeke turǵyn úıde boldy, 5 adam kógildir otynnan ýlanǵan, onyń ishinde úsheýi 2014, 2012, 2021 jyly týǵan balalar. Olar da din aman»,- dedi spıker.
Memlekettik órtti baqylaý basqarmasynyń basshysy Danııar Júsipov megapolıs turǵyndaryna gaz ballondary men gaz jabdyqtaryn tek osy ónimderdi satýǵa sertıfıkattary bar mamandandyrylǵan uıymdardan satyp alýǵa keńes berdi.
«Mamandardyń qyzmetine júgine otyryp, jyl saıyn gaz jabdyqtaryn mindetti túrde tekserý kerek. Jeldetý qubyrlarynyń jaramdy istep turǵan-turmaǵanyn baqylaý kerek, bólmeni únemi jeldetý kerek, ásirese uıqyǵa jatar aldynda. Gaz qurylǵylaryn paıdalaný kezinde qaýipsizdik sharalaryn saqtaý, sonymen qatar jıhazdy jáne basqa da janǵysh zattardy jylytý peshteri men gaz qurylǵylarynyń janyna qoımaý, kıimder men otyndy keptirmeý óte mańyzdy», - dedi qutqarýshy.
