Almatyda bıyl oqý mekemelerdiń birinde bolǵan qylmystyq istiń beti ashyldy
ALMATY. Qazannyń 19-y. QazAqparat /Názıra Eleýhan/- Almatyda aǵymdaǵy jyly mamyr aıynda bıznes-kolledjde bolǵan qylmystyq istiń beti ashylyp, kináliler quryqtaldy.
Esterińizge sala ketsek oqıǵa tańerteńgi tórtte boldy. Qylmyskerler terezeden kirip, kúzetshilerdi soǵyp, baılap ketken bolatyn.
"Polıtsııaǵa telefon qońyraýy kúzetshi baılamnan bosap shyqqan keıin kelip tústi. Osy ýaqyt aralyǵynda qylmyskerler izin jasyryp úlgergen. Olar býhgalterdiń kabınetine enip, seıfti buzyp, 2 mıllıon teńge men 500 dıplomnyń taza blankin alyp ketken bolatyn. Eki aptadan soń ІІD tyńshylary toptyń basshysyn ustady. Birneshe ýaqyttan soń taǵy eki qylmyskerdi ustadyq. Odan keıin sol ýaqyttan beri izdeýde bolǵan 24 jastaǵy Jasulan esimdi jigitti ustadyq",- dedi krımınaldy polıtsııa Basqaramasynyń qaraqshylyq pen tonaý qylmystaryn ashý bóliminiń bastyǵy Azamat Palmanov.
Onyń aıtýynsha, olar taǵy da osy syndy qylmystar jasaǵan. " Olar sonymen qatar zańdy tulǵalar men jeke tulǵalardy da tonap, soqqyǵa jyqqan. Qazir olardyń úsh qylmysty iske qatysy bary anyqtaldy. Ustalǵandardyń barlyǵy buǵan deıin isti bolmaǵan, Shyǵys Qazaqstan oblysynyń turǵyndary bolyp shyqty. Sońǵy kezde jeńil jolmen aqsha tabýshylar jerles bolyp toptasýda. Bul tizimde Shyǵys Qazaqstan oblysymen qatar, Ońtústik Qazaqstan oblysynyń turǵyndary aldyńǵy qatarda tur. Odan keıin Jambyl jáne Almaty oblysy",- dedi A.Palmanov.
