Almatyda bıyl Naýryzbaı aýdanyn damytýǵa 40 mlrd. teńge bólindi
Qazirgi tańda Naýryzbaı aýdanynda eki jańa uńǵyma burǵylanyp, Taýsamaly yqsham aýdanyndaǵy burynnan bar 2 sý uńǵymasy qaıta jóndeýden ótkizildi.
Qabyldanǵan jobaǵa sáıkes, Qalqaman 1, 2, 3, 4 jáne Alty-Alash shaǵynaýdandarynda 2014 - 2016 jyldary aralyǵynda uzyndyǵy 7,5 shaqyrym bolatyn sý qubyry men 5,5 shaqyrym káriz jelisi tartylady. Búgingi kúni olardyń 80 paıyzy ıgerilgen. Aqsaı ózeni boıynda uzyndyǵy 10 shaqyrym jáne Qaraǵaıly ózeni boıynda da uzyndyǵy 10 shaqyrym bolatyn sý toǵandaryn salýdyń jobalyq-smetalyq qujattary jasalyp jatyr.
Shuǵyla, Tastybulaq, Taýjoly, Taýsamaly, Quramys, Qarǵaly, Jaılaý yqshamaýdandarynda uzyndyǵy 62,1 shaqyrym bolatyn sý qubyry men uzyndyǵy 44,8 shaqyrym bolatyn káriz jelisin salý qujattary jasalý ústinde.
Qaraǵaıly shaǵynaýdanyndaǵy Nádirov, Maqataev, Seıfýllın, Tájıev kóshelerinde, Qarǵaly shaǵynaýdanyndaǵy Káribaı aqyn, Taýsamaly shaǵynaýdanyndaǵy Rysqulov kóshelerinde 51 elektr baǵanasy, 2880 elektr jelileri aýystyryldy.
Búgingi kúni aýdandyq ES-3-pen birigip, 10/0,4 kV jelilerinde kúrdeli jóndeý jumystary júrgizildi.
Aýdan aýmaǵynda jalpy uzyndyǵy 44,4 shaqyrym bolatyn kósheler jóndeldi. Qazir Groza, Rysqulov, joǵary Aqsaı kóshelerinde jóndeý jumystary júrgizilip jatyr.
Aýdanda 1545 metrlik aryq júıesi qalpyna keltirildi. Aýdan qurylǵaly beri 7 500 sharshy metrlik aýmaqqa gúlzar otyrǵyzylyp, 2 gúl baǵy abattandyryldy.
Qazirgi kezde aýdandyq ІІD, basqa da memlekettik organdar nysandarynyń qurylystary salynyp jatyr. Olardyń jalpy quny - 6 mlrd. 874 mln. teńgeni quraıdy. Jergilikti bıýdjet esebinen №7-shi qalalyq emhana janynan bir aýysymda 200 adamdy qabyldaı alatyn emhana salynýda. Oǵan bólingen qarjy kólemi - 1 mlrd. 410 mln. teńge (2016 jyly paıdalanýǵa beriledi).
Budan ózge memlekettik-jekeshelik áriptestik aıasynda birqatar áleýmettik nysandar salynady. Sondaı-aq, 153 gektar jerge 1200 oryndyq mektep, bir aýysymda 500 adam qabyldaı alatyn emhana boı kóteredi. Bulardyń quny - 3 mlrd. 120 mln. teńge ( 2017 jyly paıdalanýǵa beriledi).
Sonymen qatar, №157-shi orta mektep janynan 900 oryndyq qosalqy nysan salynýda. Onyń quny - 980 mln. teńge (2016 jyldyń qyrkúıeginde paıdalanýǵa beriledi).
Memlekettik-jekeshelik áriptestik aıasynda balalarǵa arnalǵan 10 sport alańy iske qosyldy. Qazir qosymsha dál osyndaı 6 alań salynýda.
Jeke úılerdi sý basyp qalmaý úshin Qaraǵaıly ózeniniń jaǵalaýyn nyǵaıtý jumystary júrgizilip jatyr. Oǵan bólingen qarjy - 2 mlrd. 351 mln. teńgeni quraıdy. Dálirek, ózen arnasynyń taý bókterindegi bógetten Jandosov kóshesine deıingi aralyǵynda, ıaǵnı uzyndyǵy - 7,708 metrlik ýchastoginde nyǵaıtý jumystary júrgizilýde.
Aýdanda «Balapan» baǵdarlamasy boıynsha mektep jasyna deıingi balalarǵa arnalǵan 28 mekeme ashylyp, olar 1178 balany qamtydy.
Aýdanda 600 (0,9%) shaǵyn jáne orta bıznes nysandary bar. Árıne, salyq bazasynyń tómendigi aýdannyń kiris bóligine keri áserin tıgizýde.
Naýryzbaı aýdanynyń turǵyn úı qory - 172 kópqabatty úılerdi quraıdy. Olardyń toǵyzy - eski úıler. Aýdanda 15 myń jeke turǵyn kesheni bar. Bul, qalalyq kórsetkishtiń - 11 paıyzyna teń.
Esterińizge sala keteıik, Naýryzbaı aýdanynyń qurylǵanyna dál 2 jyl toldy. QR Prezıdenti N.Á. Nazarbaevtyń 2014 jylǵy 2 shildedegi Jarlyǵy boıynsha «Naýryzbaı aýdanyn qurý jáne Almaty qalasynyń shekarasyn belgileý týraly» Almaty qalasy ákimdiginiń qaýlysy men Almaty qalalyq máslıhaty XXIX sessııasynyń sheshimi shyqqan bolatyn.
Naýryzbaı aýdany qalaǵa Almaty oblysynan bólindi, megapolıske 11 eldi meken jáne Almaty qalasynyń Áýezov aýdanynan Qalqaman 1, 2, 3 yqshamaýdandary endi. Aýdannyń jalpy alańy - 6 967 gektar. Jańadan qurylǵan ákimshilik- aýmaqtyq birlikte - 150 myńnan astam adam ómir súrýde.