Almatyda bıyl qylmys 47,5% tómendedi
ALMATY. QazAqparat – Osy jyldyń 10 aıy boıynsha qalada qylmys sany barlyq baǵytta 47,5% azaıdy. Bul týraly Almaty qalasy Polıtsııa departamentiniń bastyǵy Qanat Taımerdenov onlaın brıfıng barysynda aıtty, dep habarlaıdy QazAqparat tilshisi.
Polıtsııa basshysynyń aıtýynsha, qala boıynsha qylmystyq ahýal tolyq baqylaýda jáne turaqty.
«Jyl basynan beri qylmys sany 47,5% azaıdy. Atap aıtqanda, qaraqshylyq shabýyl-2,0 esege, zorlaý-2,1 , tonaý-2,2, bótenniń múlkin urlaý-2,4, páter urlyǵy-3,0, kólik urlyǵy 2,6 esege azaıdy», - dedi Qanat Taımerdenov.
Sondaı-aq, kólik ishinen urlaý faktisi-37,5 esege, kólik aınalardyń urlanýy-2,5, buzaqylyq-2,1 jáne alaıaqtyq-22,5 esege tómendegen.
Sonymen qatar, ol qylmystyq quqyq buzýshylyq boıynsha jalpy qylmystardyń ashylý kórsetkishi barlyq baǵyttar boıynsha 11,6% jáne barlyq baptar boıynsha jaqsarǵanyn jetkizdi.
«Bıyl qarýly qaraqshylyq shabýyl-6,6%, bótenniń múlkin urlaý-6,9%, páter tonaý 12,6%, tonaý 19,9%, ózgeniń kólik quraldaryn urlyq nıetinsiz ıemdený 5,6%, buzaqylyq 13,6%-ǵa jáne alaıaqtyq qylmysynyń ashylýy 6,7 %-ǵa artty», - dedi ol.
