Almatyda bıyl alǵashqy 6 aıdyń ishinde ınflıatsııa 10,3% -ǵa ósti

ALMATY. QazAqparat - Almatyda baǵanyń joǵary ósý qarqyny saqtalýda. Bul týraly Almaty ákimi Erbolat Dosaev Ortalyq kommýnıkatsııalar qyzmeti alańynda málimdedi, dep habarlaıdy QazAqparat tilshisi.

Ákimniń aıtýynsha, Almatyda jyl basynan beri 6 aıdyń qorytyndysy boıynsha ınflıatsııa 10,3%-ti qurady.

«Inflıatsııaǵa negizgi úles birinshi kezekte azyq-túlik baǵasynyń ósýi esebinen qalyptasty. Ol 16,4%-ti qurady (jyldyq esepteýde - 19,5%). Eń kóp óskeni - qant (2 ese, 560 teńgege deıin), pııaz (+90,2%, 156 teńgege deıin), nan (+18,3%, 95 teńgege deıin), sút (+18%, 328 teńgege deıin) baǵasy. Olardyń tutyný baǵasynyń ındeksindegi úlesi 2,2 paıyzdyq tarmaqty qurady.

Degenmen, jumyrtqa baǵasynyń tómendeýi (0,4%-ke, 460 teńgege deıin) jáne sıyr eti (0,9%-ke, 2 350 teńgege deıin), sary maı (5,6%-ke, 3 400 teńgege deıin), tuz baǵasynyń (6,5%-ke, 66 teńgege deıin) shamaly ósýi baıqalady», - dedi Erbolat Dosaev.

Ol sondaı-aq jetkizý tizbeginiń buzylýy jáne teńge baǵamynyń turaqsyzdyǵyna baılanysty joǵary ınflıatsııalyq kútimder áli saqtalatynyn aıtty.