Almatyda bıyl adam qaǵyp qashyp ketpek bolǵan 6 júrgizýshi ustalǵan
ALMATY. QazAqparat - Almatyda adam qaǵyp óltirip, oqıǵa ornynan izin sýytpaq bolǵan 6 júrgizýshi ustaldy, dep habarlaıdy QazAqparat tilshisi.
Qalalyq ІІB baspasóz qyzmeti habarlaǵandaı, qazir jergilikti polıtseı qyzmetine kólikke qatysty qylmystardy ashýda belsendilik tanytýǵa tapsyrma berildi.
«Jyl basynan beri jol apaty bolǵan jerden 90 júrgizýshi qashyp ketken. 781 adam shaǵymdansa, 25 is jeke sot oryndaýshysyna baǵyttaldy. Kún saıyn polıtseıler jalǵan melekettik nómirmen júrgen, zańsyz straboskop qosyp alǵan, terezelerin qarańǵylap alǵan júrgizýshilerdi anyqtaý úshin reıd júrgiziledi. Tekserý barysynda 55 júrgizýshi ákimshilik jaýapkershilikke tartylǵan», - dedi jergilikti polıtsııa qyzmetiniń izdestirý bóliminiń basshysy Erik Nasyrbekov.
Onyń aıtýynsha, júrgizýshiler osylaısha jazadan qutylyp ketemin dep oılaıdy.
«Bul jańsaq oı. Óıtkeni, tehnologııalar damyǵan zamanda júrgizýshiler qaıda qashsa da qutyla almaıdy. Tipti, adam qaǵyp ketip, olarǵa kómek kórsetpeı qashyp ketetinder týraly bólek aıtý kerek. Balany qaǵyp ketip, úıine baryp uıyqtap qalǵan adamdy da kórdik», - dedi E.Nasyrbekov.
