Almatyda bıyl 9 kól sel qaýpin týǵyzyp otyr
ALMATY. QazAqparat - Almatyda bıyl 9 kól sel qaýpin týǵyzyp otyr, dep habarlaıdy QazAqparat tilshisi.
Qalalyq TJD baspasóz qyzmeti taratqan aqparatqa səıkes, Almaty taýlarynda 36 kól bar.
"Olardyń 17-sinde sý tasýy yqtımal. Bıyl 9 kólden sel júrý qaýpi anyq baıqalyp otyr. Tótenshe jaǵdaıdyń aldyn alý úshin «Aqsaı», «Qarǵaly», «Úlken» jáne «Kishi Almaty» ózenderiniń ańǵarlarynda 8 maýsymdyq jəne 9 turaqty post jasaqtaldy", delingen habarlamada.
Qalalyq TJD mamandary bıyl kól sýyn qýaty saǵatyna 400 kýb metr sý aıdaıtyn sorǵysh arqyly aıdamaq.
Mundaı amal arnasynan tasýy yqtımal kólderdiń sýyn qaýipsiz deńgeıge deıin az ýaqytta túsirýge septigin tıgizbek. Erteń osy məselege baılanysty Alma-Arasandaǵy Aıýsaı shatqalynda «Kazseldenqorǵaý», «Kazəýequtqarý», qalalyq TJD jəne Qutqarý qyzmeti mamandarynyń qatysýymen kóshpeli jıyn ótedi.
