Almatyda bıyl 86 kóppáterli turǵyn úıdiń lıfti jańartylady

ALMATY. QazAqparat – TÚKSh jańǵyrtýdyń memlekettik baǵdarlamasy aıasynda 8 jyldan 15 jylǵa deıingi merzimde kópqabatty úılerdiń turǵyndary bıýdjet qarajaty esebinen qaıtarymdy negizde kúrdeli jóndeý júrgize alady, dep habarlaıdy QazAqparat tilshisi.

Qazir qalanyń turǵyn úı qorynda 6 285 lıft bar, onyń 386-sy 25 jyldan astam ýaqyt boıy paıdalanylyp keledi.

«Byltyr jergilikti bıýdjetten qaıtarymdy negizde bólingen qarajat esebinen 170 úıde 358 lıft jabdyǵy aýystyryldy. 2023 jyly 86 kóppáterli turǵyn úıde 155 lıft jabdyǵyn aýystyrý josparlanǵan. Jańǵyrtýdyń osyndaı qarqynymen normatıvtik merzimde 25 jyl jumys istegen lıftiler sany 2024 jylǵa qaraı aıtarlyqtaı azaıatyn bolady», - dep habarlady ákimdikten.

Baǵdarlama operatory – «Almaty turǵyn úı» JShS. Baǵdarlamany iske asyrý barysynda 2011-2022 jyldary 965 kóppáterli turǵyn úıge kúrdeli jóndeý júrgizilip, 907 úıde 1 935 lıft aýystyryldy. 2023 jyly 100 kóppáterli turǵyn úıde jóndeý josparlanǵan. Jóndeý jumystarynyń túrleri – shatyrdy, ınjenerlik jáne elektr jelilerin aýystyrý, kireberis pen qasbetti jóndeý.

Baǵdarlamaǵa qatysý úshin turǵyndar jınalys jasap, turǵyn úıdi jóndeý týraly sheshim qabyldaıdy jáne óz arasynan jaýapty tulǵany tańdaıdy. Osydan keıin basqarý organy (MIB nemese PIK) hattama men qatysýǵa ótinimdi baǵdarlama operatoryna usynady. Osy qujattardyń negizinde operator jobalaý-smetalyq qujattamany ázirleýge jáne úıdi kúrdeli jóndeýge aqshalaı qarajat bólýge bıýdjettik ótinim beredi.