Almatyda bıyl 8 mekteptiń qurylysy bastalady
ALMATY. QazAqparat - Almatynyń Medeý aýdanynda bir jylda 1160 orynǵa arnalǵan eki mektep paıdalanýǵa berildi. Bul týraly óńirlik kommýnıkatsııalar qyzmetiniń alańynda ótken brıfıng barysynda Medeý aýdanynyń ákimi Áset Masabaev aıtty, dep habarlaıdy QazAqparat tilshisi.
Almaty qalasy ákimi Baqytjan Saǵyntaevtyń tapsyrmasymen megapolıste pandemııaǵa qaramastan, mektepter men balabaqshalardaǵy oryn tapshylyǵyn azaıtý boıynsha keshendi jumystar jalǵasyp jatyr.
2020 jyly 2 mektep salyndy, 2021 jyly 8 mektep jáne 17 qosymsha qurylys salynady. Sonyń arqasynda 23 myń oqýshy orny qurylady jáne 2021 jyly oqýshy oryndarynyń tapshylyǵy 73% - ǵa qysqarady.
Medeý aýdanynda barlyǵy 43 jalpy bilim beretin mektep bar. Jalpy kontıngenti 31 353 bolatyn 28 memlekettik mektep (29 360 oryn) jáne 15 jekemenshik mektep (1 993 oryn) bar.
«2020 jyly qyrkúıek aıynda «Dýman» shaǵynaýdanynda 850 oryndyq jańa mektep boı kóterdi. Sondaı-aq, ótken jyly jeke ınvestorlar esebinen kelesi mektepter salynyp, paıdalanýǵa berildi: «Ýálıhanov atyndaǵy mektep», «Steam», «Úrker», «Poznai-ka mektebi (AMS)», «Ǵanıbet». Olardyń jalpy jobalyq qýattylyǵy 1160 orynǵa arnalǵan jáne 143 turaqty jumys orny quryldy», - dedi Á.Masabaev.
Sonymen qatar, ol 2021 jyly Ormanov kóshesi (Shyǵys aınalma joly) mekenjaıy boıynsha jeke ınvestıtsııalar esebinen 540 oryndyq zamanaýı mektep ashylatynyn atap ótti.
«Alataý» shaǵynaýdanynda ornalasqan №7 mektep ǵımaratyna seısmıkalyq kúsheıtý arqyly kúrdeli jóndeý júrgizilýde. Aıaqtalý merzimi 2021 jyldyń shildesi. Sonymen birge, №48 mektep ǵımaratyna qosalqy qurylys arqyly kúrdeli jóndeýge jobalyq-smetalyq qujattar ázirlenýde. Jobany iske asyrý merzimi – 2021 jyl»,- dedi ol.
Sondaı-aq spıker Medeý aýdanyndaǵy mektepke deıingi bilim berý uıymdaryna da toqtalyp ótti.
Aýdanda 18 bóbekjaı jáne 49 jeke menshik balabaqsha jáne 37 shaǵyn ortalyq bar. Jalpy 5 100 búldirshin bar (memlekettik balabaqshalarda - 2935, jekemenshik balabaqshalarda - 2165.)
«№ 114, 116, 141 úsh balabaqshada ǵımaratqa japsarlas jáne qosymsha qurylys esebinen árbir balabaqshada jobalyq qýattylyqty 50 orynǵa ulǵaıta otyryp, kúrdeli jóndeý boıynsha jumys jalǵasýda. Aıaqtalý merzimi-2021 jyldyń naýryz aıy.2020 jyldyń basynan beri aýdanda jeke ınvestorlar esebinen jalpy jobalyq qýaty 250 oryndyq 5 jekemenshik balabaqsha ashyldy. Bıyl 5 jekemenshik balabaqsha men shaǵyn ortalyqtar ashý josparlanyp otyr»- dedi spıker.
Sonymen birge, aǵymdaǵy jyly birqatar áleýmettik-mádenı nysandardy ashý josparlanýda:
- Jekemenshik balabaqshalar jáne shaǵyn ortalyqtar; S.Nurmaǵambetov kóshesi, 150 mekenjaıy boıynsha High Tech Academy jekemenshik mektebi
- Ál-Farabı dańǵyly, 30/5 ýchaskesinde jekemenshik «Balet teatrty»;
- Alataý sh/a «Shyńǵa Órleý» áleýmettik jobasy;
- Dýman sh/a ashyq aýadaǵy fıtnes klýb.
