Almatyda bıyl 4 ónerkásiptik park iske qosylady
ALMATY. QazAqparat – Almatyda bıyl 4 ónerkásiptik park iske qosylady. Bul týraly onlaın brıfıng barysynda qalalyq Kásipkerlik jáne ınvestıtsııalar basqarmasynyń basshysy Erkebulan Orazalın málim etti, dep habarlaıdy QazAqparat tilshisi.
Onyń aıtýynsha, shaǵyn jáne orta bıznes sýbektileri úshin qoljetimdi óndiristik alańdar usyný maqsatynda Almaty ákimi Baqytjan Saǵyntaevtyń tapsyrmasy boıynsha ónerkásiptik parkter ashylýda.
Birinshiden, bul aımaq óz kásibin jańadan bastaǵan adamdarǵa jaramdy, olar kásiporyndarynyń tabysty jumys isteýi týraly alańdamaıdy. Ekinshiden, ónerkásiptik parkter qala ekonomıkasynyń ósýine aıtarlyqtaı úles qosady: olarda jańa jumys oryndary ayshlady, taýarlar men qyzmetter óndiriledi, shaǵyn jáne orta kásipkerlik damıdy, bos qalǵan ǵımarattar jóndelip, jumys isteý úshin paıdalanylady. Jalpy, munyń bári qalalyq bıýdjetke qosymsha salyq aǵynyn qalyptastyrady, sonymen qatar megapolıstiń sáýlettik kelbetin jaqsartady.
«Búginde 10 ónerkásiptik parkter bar, onyń 4-i qalada 32 jalǵa alýshymen iske qosyldy. Jyl sońyna deıin ındýstrııalyq aımaqta taǵy 4 parkte iske qosyldy. Al 2022 jyly taǵy ekeýin iske qosý josparda. Ónerkásiptik park mártebesi «Almaty Business» baǵdarlamasy aıasynda usynylatyn barlyq jeńildikterdi paıdalanýǵa múmkindik beredi», – dedi Erkebulan Orazalın.
Basqarma basshysy ónerkásiptik park qurý jónindegi jobanyń mańyzdylyǵyna toqtaldy.
Kásipkerler qoljetimdi alańdarda bıznes ashýǵa nemese keńeıtýge múmkindik alady. Bir sharshy metr orynǵa 150 myń teńgege oryn satyp alý, bir sharshy metrge 1200 teńge kóleminde jalǵa alý mólsherlemesiniń tirkelgen quny belgilendi», - deıdi ol.
Sondaı-aq Kásipkerlik jáne ınvestıtsııalar basqarma basshysy Almatyda ShOB-ty qoldaýdyń túrli baǵdarlamalary aıasynda kásipkerlik salasynda 10 myńnan astam jumys ornyn qurý týraly aıtty, bul megapolıs ekonomıkasynyń damýyna áser etedi.
