Almatyda bıyl 30 myńnan astam jańa jumys orny ashylady
Almatyda 2016 jyly qurylys jáne kúrdeli jóndeý boıynsha 164 jobany júzege asyrý 30 myńnan astam jańa jumys orny ashylady.
Jumyspen qamtý ortalyǵyna júgingen úsh myńnan astam jumyssyz júrgender jumyspen qamtylady.
2016 jyly Almatyda Jumyspen qamtý keshendi josparyna sáıkes, 23 413 adam jumyspen qamtylsa, olardyń ishinde 13 744 adam memlekettiń qoldaýynsyz jumysqa ornalasady.
Odan basqa, Almaty qalasy bıýdjetinde qarastyrylǵan jobalardy júzege asyrý taǵy da 4,3 myń jumys ornyn ashýǵa múmkindik beredi.
Al Almatyda memlekettik jáne óńirlik baǵdarlamalar aıasynda Jumyspen qamtý ortalyǵyna júgingen jumyssyzdarǵa jumys oryndary boıynsha kvota berý praktıkasy engiziledi.
Búgingi tańda qalada aýdan ákimdikteri men kásiporyndar jáne kásipodaqtarmen 351 134 jumys ornyn saqtaý boıynsha 25 533 memorandýmǵa qol qoıylǵan.
Jalpy, Almatyda qalany damytý jáne «Jumyspen qamtý jol kartasy-2020» baǵdarlamasy aıasynda turǵyndardy jumyspen qamtý sharalaryna 6 mlrd. 798 myń teńge bólingen.
