Almatyda bıyl 28 myń aǵash otyrǵyzyldy
ALMATY. 19 maýsym. QazAqparat - Almatyda bıyl 28 myń túp sándik aǵash, 8 myń terek, jóke, qaıyń otyrǵyzý josparlanǵan bolatyn.
Kóktemde onyń 16 myńy saıabaqtar men skverlerde, jol boıyna otyrǵyzyldy. Aǵash otyrǵyzý naýqany endi kúz maýsymynda qaıta jalǵasatyn bolady.
Qalalyq tabıǵı resýrstar jáne tabıǵatty paıdalanýdy retteý basqarmasynyń málimetine qaraǵanda, shaharda aǵash otyrǵyzylatyn alań kólemi sońǵy jyldary jyl saıyn ulǵaıyp keledi. Máselen, 2010 jyly 24 myń túp aǵash otyrǵyzylsa, 2011 jyly - 27 myń, al bıyl ol 28 myńǵa jetpek. Almatyda jalpy búgingi kúnge deıin 1 mln. 300 myń aǵash boı kótergen. Onyń 39 myńy - burynǵy eski aǵashtardyń ornyna otyrǵyzylǵandar. Sońǵy eki jyl ishinde 22 myń apatty eski aǵashtar kesildi. Endi osyndaı jaǵdaıdaǵy taǵy 18 myń aǵash 2012-2013 jyldary joıylatyn bolady. Onyń 9 myńǵa jýyǵy bıyl kesilmek. Búgingi kúnge deıin olardyń 5086-sy joıyldy.
