Almatyda bıyl 278 páterlik 32 apatty úı buzylady
ALMATY. QazAqparat - 2022 jyly Almatyda 278 páterlik 32 apatty úı buzylady. Bul týraly «Almaty» áleýmettik-kásipkerlik korporatsııasy málim etti, dep habarlaıdy QazAqparat tilshisi.
Uıymnyń resmı aqparatyna sáıkes, Almatyda 2021-2025 jyldarǵa arnalǵan turǵyn úı qoryn jańartý baǵdarlamasy aıasynda 708 eski úıdi buzý jáne 683 turǵyn úı salý josparda.
«Baǵdarlama bekitilgen kezde Almatyda 1427 eki qabatty tozyǵy jetken úı bolǵan. Mundaı turǵyn úılerdiń basym bóligi Túrksib, Bostandyq jáne Jetisý aýdandarynda ornalasqan. 2021 jyly Jetisý aýdanynda (111 páterli 13 úı), Túrksib aýdanynda (42 páterli 3 úı), Bostandyq aýdanynda (32 páterli 4 úı) barlyǵy 20 apatty úı buzyldy. 2022 jyldyń qańtarynda jeke qurylys kompanııasy Bostandyq aýdanynda taǵy bir apatty úıdi buzýdy aıaqtady», - dep habarlady ÁKK.
Osylaısha, Almaty qalasynda 1406 apatty úı qaldy.
2022 jyly jeke qurylys salýshylardyń josparyna saı, 278 páterli 32 apatty úı buzylady.
«Qazir jeke ınvestorlardy tartý arqyly jobalar júzege asyrylýda. Sonymen qatar, qalada ınvestıtsııalyq tartymdy emes jer ýchaskeleri, atap aıtqanda, qyzyl syzyqta, sanıtarlyq jáne sý qorǵaý aımaǵynda ornalasqan jáne aýmaǵy jetkiliksiz jeke turǵan apatty úıler bar», - dep qosty «Almaty» áleýmettik-kásipkerlik korporatsııasynan.
«Almaty» ÁKK málimetinshe, atalǵan ýchaskeler boıynsha baǵdarlamany júzege asyrý bıýdjet qarajaty esebinen qamtamasyz etiledi.
Qazirgi ýaqytta bıýdjettik qarjylandyrý máselesi pysyqtalýda.
