Almatyda bıyl 270 myń bala jazǵy demalyspen qamtylady
ALMATY. QazAqparat- Bıyl Almatyda 270 myń oqýshy, onyń ishinde az qamtylǵan otbasynan shyqqan 35 myńnan astam bala jazǵy demalyspen qamtylady, dep habarlaıdy QazAqparat tilshisi.
«Bıyl megapolıs oqýshylary úshin 209 mektep janyndaǵy jáne 20 qala syrtyndaǵy saýyqtyrý lagerleri uıymdastyrylady. Sonymen qatar, segiz aýdannyń ákimdigi mektep janyndaǵy lagerge baratyn balalardy teatrlarǵa, murajaılar men kitaphanalarǵa tegin jiberedi»,- dep jaýap berdi QazAqparat joldaǵan saýalǵa qalalyq ákimdiktiń baspasóz qyzmeti.
Sondaı-aq, 750 bala oqýshylar saraıynyń «Órnek» jazǵy lagerinde demaldy. Uıymdastyrý kezinde bilim berý jáne damytý baǵdarlamalaryna erekshe nazar aýdarylmaq.
Sondaı-aq balalar men jasóspirimder klýbtary oıyn-saýyq, sheberlik synyptarymen jáne basqa da túrli is-sharalarmen qamtylady.
«Maýsym aıynda mektep janyndaǵy lagerlerde 30 myńnan astam bala demalady. Onyń ishinde áleýmettik osal otbasynan shyqqan 18 120 oqýshy, erekshe bilim berý qajettiligi bar 4263 bala jáne ártúrli jetistikterige qol jetkizgen 7617 oqýshy bar»,- dep atap ótti ákimdik ókilderi.
Budan bólek, bekitilgen jazǵy demalys kestesine sáıkes, kópbalaly jáne az qamtylǵan otbasylarynan shyqqan 3400 bala, ata-anasynyń qamqorlyǵynsyz qalǵan 100 oqýshy, sondaı-aq erekshe bilim berýdi qajet etetin balalar qala syrtyndaǵy saýyqtyrý lagerlerinde demalady.
Buǵan deıin Almaty qalalyq Sanıtarııalyq-epıdemıologııalyq baqylaý departamenti jazǵy saýyqtyrý lagerlerine qoıylatyn talaptardy ataǵan bolatyn.
