Almatyda bıyl 186 myń jol júrý erejesi buzylǵan - ІІD
ALMATY. QazAqparat - Almatynyń Іshki ister departamenti jyl basynan beri qalada 186 myń jol júrý erejesi buzylǵanyn tirkedi, dep habarlaıdy QazAqparat tilshisi ІІD Jergilikti polıtsııa qyzmeti baspasóz qyzmetine silteme jasaı otyryp.
Polıtseıler usynyp otyrǵan málimetke súıensek, onyń ishinde 903 adam kóligin mas kúıinde júrgizgeni úshin, 17,8 myń adam qaýipsizdik beldigin taqpaǵany úshin ákimshilik jaýapkershilikke tartylǵan.
Al, 10 457 hattama kóliktegi memlekettik nómir durys kórinbegeni úshin toltyrylsa, 2 179 adam tipti nómirsiz júrgeni úshin, 195 adam jalǵan kólik nómirin taqqany úshin ustalǵan. 5 189 hattama aldyńǵy terezelerin qarańǵylaǵany úshin toltyrysa, 18 myń 150 adam uıaly telefonmen sóıleskeni úshin aıypqa tartylǵan.
2 148 adam jol qıylysynda ereje buzsa, 14 467 adam kóligin ruqsat etilmegen orynǵa qaldyrǵan. 154 júrgizýshige múgedekter turaǵyna aıaldaǵany úshin ustalsa, 11 997 adam jaıaý júrginshini ótikizbegeni úshin aıypty bolǵan.
107 818 júrgizýshi kólikten ozý, qatardaǵy qozǵalys erejesin buzsa, 34 596 adam jol erejesi belgilerin elemegeni úshin polıtseıler nazaryna ilikken. Qarsy jolaqqa shyqqany úshin 394 adam aıypty bolsa, 2 273 adamǵa kóligin tehnıkalyq baqylaýdan ótkizbegeni úshin ákimshilik hattama toltyryldy.
