Almatyda bıyl 160 myń oqýshy mektepke barady
ALMATY. 17 tamyz. QazAqparat - Almatyda bıylǵy jańa oqý jylynda oqýǵa baratyn 160 myń oqýshynyń 20 myńy birinshi synypta oqıdy.
Bul búgin «Bilim berý júıesin jańǵyrtý - adamı kapıtaldyń sapaly ósýiniń basty baǵyty» degen taqyryppen ótken bilim berý qyzmetkerleriniń tamyz keńesinde aıtyldy.
«Almatyda 222 jalpy bilim beretin mektep bar. Onyń 181-i memlekettik, 41-i jekemenshik. Mektepterdiń 88-i jańa úlgide. Aǵymdaǵy jyly qazaq tilindegi №177 jańa mektep pen 13 synyp ashyldy. Mektepterdiń qamtylýy 1810 orynǵa ulǵaıyp, jalpy sany 70 954 adamǵa jetti», - dedi qalalyq bilim basqarmasynyń bastyǵy Rahat Shımasheva. Onyń aıtýynsha, endi árqaısysy 680 oryndyq 2 kásiptik mektep salý josparlanýda. Aldyn-ala málimet boıynsha 2015 jyly 1 qyrkúıekte mektepke baratyn oqýshylardyń jalpy sany 165 myńǵa jetedi. Onyń 23 myńǵa jýyǵy birinshi synyptaǵylar bolmaq.
