Almatyda bıyl 12 myń oqýshy 1-synypqa barady

ALMATY. QazAqparat – Jańa oqý jylynda 1-synypqa shamamen 12 myń oqýshy qabyldanady. Bul týraly onlaın brıfıng barysynda Almaty qalalyq Bilim basqarmasy basshysynyń orynbasary Aıdyn Saılaýbaı aıtty, dep habarlaıdy QazAqparat tilshisi.

«Jańa oqý jylynda birinshi synypqa 12 myńǵa jýyq bala qabyldanady dep kútilýde. Onyń 7 myńy qazaq synybyna, 5 myńy orys synybyna barady»,- dedi spıker.

Aıdyn Saılaýbaı 1 qyrkúıekten bastap memlekettik mektepterdiń 1-4 synyp oqýshylary tegin tamaqpen qamtamasyz etiletinin atap ótti.

«Bul maqsatqa jergilikti bıýdjetten jyl sońyna deıin 5,3 mlrd teńge bólindi»,- dep tolyqtyrdy bilim basqarmasynyń ókili.

Jalpy, Almatyda 301 mektep bar, onyń 210-y memlekettik, 91-i jekemenshik.