Almatyda bıyl 1 myńnan astam kóshe jaryqtandyrylady
Qala ákimdigi baspasóz qyzmetiniń málimetinshe, 2019-2022 jyldarǵa arnalǵan «Almaty qalasynyń syrtqy jaryq jelilerin modernızatsııalaý» memlekettik-jekeshelik áriptestik sharty aıasynda 41 magıstraldy kóshede eski syrtqy jaryq jelileri jańardy, jańa baǵanalar ornatyldy 15 myńnan astam sham aýystyryldy.
Bul qurylǵylardy aýystyrý jyl saıyn elektr energııasyn 20%-ǵa únemdeıdi.
2022 jyly 24 kósheni jańǵyrtý josparlanǵan, onyń aıasynda 5 myńǵa jýyq sham aýystyrylatyn bolady.
Sonymen qatar Almatyda «Shetsiz qala» baǵdarlamasyna sáıkes 2020 jyly 1 423 kóshege syrtqy jaryq jelileri júrgizildi. Byltyr 601 kóshege (4 aýdan: Almaly, Áýezov, Bostandyq, Medeý) syrtqy jaryq jelileri júrgizilip, jaryq shamdary ornatyldy.
Bıyl 1 066 ishinara jaryqtandyrylmaǵan kóshege jaryq shamdary ornatylady.
«Qalanyń aýla aýmaqtaryn jaryqpen qamtamasyz etý boıynsha joba ázirlendi. Qazirgi ýaqytta qalanyń 486 aýla aýmaǵynda qurylys jumystaryn júrgizý úshin merdiger uıymdy anyqtaý boıynsha konkýrstyq rásimder júrgizilýde»,-dep habarlady ákimdikten.
