Almatyda bıtkoın «satyp», klıentin taqyrǵa otyrǵyzǵan alaıaqtar sottaldy

T. esimdi sottalýshynyń qylmystyq materıalynda kórsetilgendeı, ol bıyl sáýir aıynda ekinshi aıyptalýshymen jáne ózge de sybaılastarymen tanysqan. Olar birigip, jasyryn jolmen  bireýdiń múlkine qol salmaqqa kelisedi. Ózara qylmystyq rólderin bólisip, kóliktegi aqshaǵa urlyqqa túsedi. 

Qylmystyq qoıylymǵa sáıkes T. men K. esimdi sottalýshy krıptovalıýta satyp alýshyny izdep tabady. Olar 15 bıtkoın úshin 140 myń AQSh dollaryn suraıdy. Aıyptalýshy T. óziniń satýshy retindegi rólin jaqsy oınap, jábirlenýshimen bank bólimshesinde kezdesedi. 

Biraz ýaqyttan soń K. esimdi aıyptalýshy komandasymen birge jábirlenýshiniń kóligine keledi. Stsenarıı boıynsha, janyndaǵylar er adamdy áńgimege aınaldyryp, urylardyń biri 140 myń AQSh dollaryn (45 663 800 teńgeni) alyp ketedi. 

Jábirlenýshiniń sottaǵy sózine qaraǵanda, onyń tanysy 140 myń AQSh dollaryna 15 bıtkoın alýǵa keńes bergen. Krıptovalıýta óz baǵasynan 4 paıyz arzanǵa satylatyn bolǵan. Bul usynysty qabyl alǵan ol dosymen kezdesý belgilengen orynǵa keledi. Bank kireberisinde Álisher bolyp tanysqan T-ny kezdestirip, aqshany sanap almaq úshin VIP bólme izdeıdi. Mundaı oryn tabylmaǵan soń basqa bankke barmaq bolǵanda T. kólik ishinde eseptesýdi jón sanaıdy. 

Bankten shyǵyp, avtoturaqqa kelip aqshany sanaı bastaıdy. Ári T. óziniń telefonyndaǵy bıtkoın salynǵan ámııanyn kórsetedi. Bir kezde úsheý otyrǵan kóliktiń janyna K. birneshe adamdardy ertip keledi. Bulardy tysqa shyǵaryp, bir jaǵdaıdyń bolǵanyn baıandaıdy. Er adam kóligine qaıta kirgende sómkesiniń urlanǵanyna kózi jetedi. 

Sot qos alaıaqty QR QK 188-baptyń 4-bóligi 3-tarmaǵyna sáıkes («Asa iri mólsherde jasalǵan urlyq») 6 jyl 6 aıǵa bas bostandyǵynan aıyryp, qylmystyq-atqarý júıesiniń ortasha qaýipsiz mekemesinde jazasyn óteýge úkim shyǵardy. 

Sondaı-aq, sot jábirlenýshiniń azamattyq talabyn qanaǵattandyryp, onyń paıdasyna sottalýshylardan 47 135 295 teńge óndirdi.