Almatyda biryńǵaı oqýshy kartasy engiziledi
ALMATY. QazAqparat - Almaty qalasynyń bilim basqarmasy biryńǵaı oqýshy kartasyn engizýdi josparlap otyr, dep habarlaıdy QazAqparat tilshisi.
«Bul karta mektepke kirý men shyǵýdy, mektep ashanalarynda tamaqtaný jáne qoǵamdyq kólikterde jolaqysyn (mobıldi qosymsha arqyly) esepke alýǵa múmkindigin bermek», - dep atap ótti bilim basqarmasy.
Qaladaǵy memlekettik orta bilim berý uıymdarynyń oqýshylaryn túgeldeı biryńǵaı kartamen qamtý josparda. Búgingi kúni Almatyda 200-den astam mektep bar.
«Bul joba 2019 jyly synaqtan ótti, ony epıdemıologııalyq ahýal jaqsaryp, mektep ashanalary ashylǵan kezde iske qosý josparlanyp otyr», - dep habarlady basqarmadaǵylar.
Aıta keteıik, pılottyq joba 2019 jyldyń jeltoqsanynan 2020 jyldyń aqpanyna deıin №92 mamandandyrylǵan lıtseıinde sátti júzege asyryldy.
