Almatyda Biryńǵaı ekonomıkalyq keńistikti qalyptastyrý máseleleri týraly dóńgelek ústel jıyny ótýde
18 qarashada Keden odaǵy komıssııasynyń músheleri Biryńǵaı qaǵıdalar men tehnıkalyq retteý tártibi týraly kelisimge qol qoıǵan bolatyn. Ol Biryńǵaı ekonomıkalyq keńistikke (BEK) múshe elderdiń tehnıkalyq retteý júıelerin úndestirýge baǵyttalyp otyr. Bul kelisim saýdadaǵy tehnıkalyq shekteýlerdi joıý jáne Keden odaǵy komıssııasyn tehnıkalyq retteýler boıynsha ókiletti etpek.
Tehnıkalyq retteý jáne metrologııa komıtetiniń qalalyq departamentiniń dırektory Sharkan Majıdenovtyń sózine qaraǵanda, tehnıkalyq retteý azamattardyń ómiri men densaýlyǵyn, qorshaǵan ortany qorǵaý, tutynýshylardy adastyratyn áreketterdi eskertý , energetıkalyq tıimdilik pen resýrstardy jınaqtaýmen qamtamasyz etý maqsatynda jasalyp, qabyldanady. Kelisimge qatysýshylar Keden odaǵynyń nemese EýrAzEQ-tyń tehnıkalyq retteýlerine sáıkes keletin ónimderdiń óz memleketteriniń aýmaǵynda qosymsha talaptarsyz aınalymyn qamtamasyz etedi. BEK-tiń tehnıkalyq retteýlerin júzege asyrýda ónimderdiń sáıkestigin baǵalaý maqsatynda memleketaralyq standarttar (GOST) qabyldanady. Ondaǵy úndestirý deńgeıi 23 paıyzdy quraıdy. Bul ekonomıka salalaryn damytý jáne jańa tehnologııalardy engizýdegi kedergilerdi joıýdaǵy ózekti jáıt bolyp otyr. Máselen, Keden odaǵy aıasynda qurylǵan biryńǵaı ónimder tizbesi boıynsha 1 qańtardan bastap mindetti sertıfıkattaýǵa jatatyn taýarlardyń sany 205-ten 51-ge deıin qysqarmaq.
