Almatyda birneshe jyldan beri izdestirýde júrgen burynǵy polıtsııa qyzmetkeri ustaldy
ASTANA. QazAqparat - Almatyda tánin saýdalaýshylar qyzmetin uıymdastyrǵany úshin aıyptalyp birneshe jyldan beri izdestirýde júrgen QR ІІM-niń burynǵy qyzmetkeri ustaldy, dep habarlaıdy Sybaılas jemqorlyqqa qarsy is-qımyldar Ulttyq bıýrosynyń baspasóz qyzmeti.
«2016 jyldyń 4 naýryzynda Sybaılas jemqorlyqqa qarsy is-qımyldar Ulttyq bıýrosy keshendi izdestirý sharalaryn júrgizý nátıjesinde uzaq ýaqyt boıy Almaty qalasynda jezókshelikpen aınalysýshylardyń meken-jaı jelisin uıymdastyrý boıynsha qoǵamda narazylyq týdyrǵan qylmystyq iske qatysty QR ІІM EQK-niń esirtki bıznesine qarsy kúres aımaqtyq basqarmasynyń bastyǵy, polıtsııa polkovnıgi S.Begasılevti ustady», - delingen habarlamada.
Qylmystyq qýdalaý organynyń laýazymdy tulǵasy S.Begasılev 2011 jyldan 2013 jylǵa deıin paıda tabý maqsatymen jeńgetaılyq jáne ıntımdik qyzmetterdi kórsetýmen aınalysatyn uıymdasqan qylmystyq topty quryp, oǵan basshylyq etken.
S.Begasılev QR Qylmystyq kodeksiniń 235-babynyń 3-bólimi, 271-babynyń 3-bólimi jáne 177-babynyń 4-bólimimen qarastyrylǵan qylmystardy jasaǵany úshin 2013 jyldan beri izdeýde bolǵan jáne Interpol UOB-nyń resmı aqparatynsha, Túrkııa aýmaǵynda jasyrynǵan.
Ony izdeý nátıje bermegen soń, 2015 jyldyń tamyz aıynda Bas prokýratýra oǵan qatysty izdestirý isin sybaılas jemqorlyqqa qarsy qyzmetke qaıta tapsyrdy.
Qazirgi kezde S.Begasılev Almaty qalasynyń ýaqytsha ustaý abaqtysyna qamaldy.
