Almatyda birneshe jeke úıdiń shatyry órtenip ketti
ALMATY. QazAqparat - Almatyda turǵyn úı alabynda úsh úı órtke orandy, dep habarlaıdy QazAqparat tilshisi. Almaty qalalyq TJD baspasóz qyzmetine silteme jasap.
«Almaty qalalyq Tótenshe jaǵdaılar departamentiniń «101» pýltine 08:44 Almaly aýdany,Úmbetbaeva - Qabanbaı batyr kósheleriniń qıylysynda jeke turǵyn úıden órt shyqqany týraly habarlama tústi. Órt sóndirýshiler 8 mınýtta oqıǵa orynyna jetti. Bir-birine jaqyn ornalasqan jeke turǵyn úılerdiń shatyry otqa oranǵan. Qabyldanǵan sharalar Qabanbaı batyr kóshesindegi 243-úıdi órtten qorǵaýǵa múmkindik berdi. Qalǵan úsh úıdiń shatyry ishinára zaqymdandy», - dep habarlaıdy TJD baspasóz qyzmeti.
Órt tolyqtaı saǵat 09:22 sóndirildi. Qyzyl jalyn 150 sharshy metr jerdi sharpyǵan. Oqys oqıǵadan eshkim zardap shekpedi.
