Almatyda birneshe jeke turǵyn úı otqa orandy
ALMATY. QazAqparat - Almatyda 3 turǵyn úı órtendi, dep habarlaıdy QazAqparat tilshisi qalalyq TJD resmı ókili Sandýǵash Baımuhambetovaǵa silteme jasap.
«Almaty TJD qyzmetiniń «101» pýltine 30 shilde kúni saǵat 14.00-de 3 jeke turǵyn úıdiń órtengeni týraly habar tústi. Almaly aýdanyna qarasty Marshak kóshesindegi 95,97,97 «A» úıler otqa oranǵan. Qutqarýshylar oqıǵa ornyna kelgende, jeke turǵyn úıler lapyldap janyp jatqan. Órt sóndirý kezinde 6 gaz ballony shyǵaryldy. Qutqarýshylar jalynnyń jaqyn mańdaǵy sharýashylyq qurylystaryna taramaýyna kúsh saldy. Órtti aýyzdyqtaýǵa jarty saǵat ýaqyt ketti. 15.03-te órt tolyǵymen sóndirildi. Jalyn sharpyǵan aýmaq 280 sharshy metrdi qamtıdy. Qutqarý jumystaryna 35 órt sóndirýshi men 11 tehnıka jumyldyryldy»,-dedi qalalyq TJD resmı ókili Sandýǵash Baımuhambetova.
