Almatyda birneshe úıge ystyq sý berý toqtatyldy

ALMATY. QazAqparat - Almatyda eki aýdandaǵy birneshe úıge ystyq sý berý toqtatyldy, dep habarlaıdy QazAqparat tilshisi.

«Aqkent», «Jas Qanat», «KECh» jáne «SVK» qazandyqtarynda júrgizilip jatqan jóndeý jumystaryna baılanysty Alataý men Túrksib aýdanynda ornalasqan birqatar ǵımaratqa ystyq sý berý toqtatyldy.

Atap aıtqanda, Jas Qanat jáne Juldyz-1 shaǵynaýdandarynda - 10-24 maýsym aralyǵynda, Móńke bı - B. Momyshuly - Raıymbek - F. Ońǵarsynova sharshysynda - 13-27 maýsym aralyǵynda; B.Hmelnıtskıı - Dónentaev - Súıinbaı - Poddýbnyı sharshysynda 13 maýsym-4 shilde aralyǵynda sý bolmaıdy.

«Qazandyq jabdyqtary kúzgi-qysqy jylytý maýsymynda jylý joǵaltý kórsetkishi men apattyq kórsetkishti azaıtý úshin jóndeletin bolady», - dep málim etti «Almaty jylý jelileri» JShS.