Almatyda birneshe mańyzdy nysanǵa arhıtektýralyq jaryq ornatyldy
Keshke qaraı Yqylas atyndaǵy halyq aspaptary mýzeıi, Ofıtserler úıi, 28-shi gvardııashyl- panfılovshylar atyndaǵy saıabaqtaǵy Dańq Memorıaly men Baýyrjan Momyshulynyń eskertkishi, Jambyl atyndaǵy respýblıkalyq fılarmonııa men Qazaq memlekettik tsırkiniń ǵımarattary túngi jaryq nuryna bólenedi.
Qazirgi kezde arhıtektýralyq jaryq kózderi kóptegen megapolısterde qoldanylady.
Olar kórneki oryndardy aıshyqtaı túsip, keshki serýen kezinde qolaıly jaǵdaı týǵyzady. Óz kezeginde zamanaýı energııajınaqtaýshy tehnologııalar elektr qýatyn únemdep, jaryq kózderiniń uzaqtyǵyn qamtamasyz etedi.
Almatyda sońǵy eki jylda qala ǵımarattaryn, nysandary men landshaftaryn keshki jáne túngi jaryqtandyrýdyń biryńǵaı arhıtektýralyq stılin qalyptastyrý barysynda 120-dan astam mańyzdy arhıtektýralyq nysanǵa kómeski jaryq kózderi ornatyldy.
Olardyń arasynda Táýelsizdik Monýmenti, «Qazaqstan» qonaq úıi, «Kóktóbe» telemunarasy, Abaı atyndaǵy opera jáne balet teatry, Respýblıka Saraıy, Áýezov atyndaǵy memlekettik drama teatry, Qasteev atyndaǵy mýzeı, Ortalyq meshit, Svıato-Voznesenskıı kafedraldy sobory bar.
Almatynyń bir stıldegi arhıtektýralyq jaryq kózderi bıýdjetten tys qarjy kózderinen tólenip jatyr.
