Almatyda birneshe qylmys jasaǵan Qyrǵyzstan azamaty ustaldy
ALMATY. Qyrkúıektiń 22-si. QazAqparat /Ádilet Musahaev/ - Almaty polıtseıleri qalada birneshe urlyq istegen Qyrǵyzstan azamatyn quryqtady,
dep habarlaıdy QazAqparat qalalayq ІІD-niń baspasóz qyzmetine silteme jasap.
Qyrǵyzstandyq 26 jasar kúdikti Almatyda zańsyz júrgen. Qalaǵa ol kórshi eldegi saıası jaǵdaıdyń ushyǵýy kezinde kelgen. ІІD-niń bergen maǵlumatyna súıensek, qylmysker munda zańsyz júrgen óziniń jerlesterin taýyp alyp, biraz ýaqyt jeke qurylys nysandarynda jumys istep aqsha tabady.
«Basynda ol óz jerlesterine kómektesip júrgen, keıin jeńil aqsha tabý jolynda túnde kesh kele jatqan jalǵyz áıeldi nemese erkekti ańdyp, olardy tonaýǵa kirisken», deıdi Alataý aýdandyq ІІB-nyń bastyǵy, polıtsııa polkovnıgi Qasym Áshirov.
Sońǵy oqıǵa boıynsha ustalýshy túngi on jarym shamasynda «Bolashaq» bazarynyń mańynda 23 jasar qyzǵa shabýyl jasap, ony betinen uryp aqsha jáne qujattar men úıiniń kilti salynǵan qol sómkesin alyp qashqan.
«Ortalyq kıim-keshek bazary mańyndaǵy bes-alty sholǵynshy zkıpajdyń biri sol túnde júrisi sýyt erkekti baıqap qalady. Kúdiktini tekserý kezinde odan áıeldiń qol sómkesi tabylǵan jáne ol bul jaıynda eshtene túsindire almaǵan. Sálden keıin qalalyq jedel kezekshi sol aýmaqta bir qyzdyń tonalǵandyǵy jaıynda habarlaǵan», deıdi Q. Áshirov.
Ustalýshy ýaqytsha qamaý bólmesine qamalyp, onyń basqa da qylmystarǵa qatysynyń bar-joqtyǵy anyqtalýda.
