Almatyda birneshe kósheni qala shegine deıin uzartý úshin Ulttyq qordan 8 mlrd teńge bólindi

ALMATY. QazAqparat - Almatyda birneshe kósheni Úlken Almaty aınalma jolyna deıin uzartý úshin Ulttyq qordan segiz mlrd teńge bólindi. Bul týraly Almaty oblystyq jolaýshylar kóligi jáne avtomobıl joldary basqarmasy basshysynyń orynbasary Serik Samuratov málim etti, dep habarlaıdy QazAqparat tilshisi.

«Almatyda Saın, Soltústik aınalma, Rysqulov jáne Abaı kósheleriniń qurylys-montajdaý jumystary bastaldy. Bıyl bul maqsattarǵa Ulttyq qordan segiz mıllıard teńge bólindi. Saın kóshesine – 2,7 mlrd teńge, Rysqulov – 2 mlrd teńge, Abaı – 2 mlrd teńge, Soltústik aıalma jol – 1,3 mlrd teńge», - dedi Serik Samuratov brıfıng barysynda.

Buǵan deıin Almaty ákimdigi eki kósheniń Úlken Almaty aınalma jolyna deıin uzartylatyny týraly aıtqan bolatyn.

N.Tilendıev kóshesin toǵyz shaqyrymǵa, al soltústik jarty aınalma joldy 1,2 shaqyrymǵa uzartý kózdelgen.

Jalpy 2030 jylǵa deıin Almatyda 38 kóshe uzaratylady.

Sarapshylar jańa kóshelerdi eki kezeńde salýdy usynyp otyr. Kóshelerdiń bir bóligi - 2025 jylǵa deıin, al ekinshisi - 2030 jylǵa deıin.