Almatyda birneshe kóshe joly ishinara jabylady
ALMATY. QazAqparat - 10 qazan, jeksenbi kúni Almatyda «Tour of Kazakhstan. Almaty 2021» áýesqoı velojarysynyń ekinshi kezeńi ótedi. Osyǵan baılanysty «Medeý» muz aıdynyna aparatyn avtojol ishinara jabylady, dep habarlaıdy QazAqparat tilshisi.
Qazaqstan velosporty federatsııasy málimdegendeı, velojarys tańǵy 9.30-da «Royal Tulip» qonaqúıiniń janynda bastalady. Jarystyń máresi saǵat 11.00-de «Medeý» muz aıdynynda ótedi dep josparlandy.
Osyǵan baılanysty qalanyń Dostyq dańǵyly men Ospanov kóshesiniń qıylysynan «Medeý» muz aıdynyna deıingi avtojol aralyǵy tańǵy 9.30-dan 11.00-ge deıin jabylady.
Federatsııa ókilderi qala turǵyndarynan bul kúni kólikpen júrý marshrýttaryn aldyn ala josparlap alýdy eskertti.
