Almatyda birneshe kólik soqtyǵysty
ALMATY. QazAqparat - Almatyda bastapqy boljam boıynsha mas bolǵan júrgizýshi mashınasymen bes kólikti soqty, jol-kólik oqıǵasynan 15 jastaǵy jasóspirim zardap shekti, dep habarlaıdy QazAqparat tilshisi oqıǵa orynnan.
Honda Accord avtokóliginiń júrgizýshisi Momyshuly men Saın kóshesiniń arasynda Abaı dańǵylynyń boıynda jyldamdyqty asyryp, Mitsubishi Galant mashınasyna soǵylǵan. Honda qatty soqqydan qarsy betke shyǵyp ketip, taǵy úsh avtomobıldi: Volkswagen Golf III, Mazda 323 men Hyundai Accent-ti soqqan. Júrgizýshi oqıǵa ornynan qashyp ketıpek bolyp, taǵy bir mashınany - Mitsubishi Space Wagon-dy syryp ketken.
Basqa kóliktiń ıeleri jol apatyna kinálini ustap alýǵa árekettengenimen ol oqıǵa ornynan sytylyp ketti. Qazir ol kólikke izdestirý jarııalandy. Jol-kólik oqıǵasynan Hyundai Accent-te otyrǵan 15 jastaǵy qyz bala zardap shekti. Ony jedel járdem alyp ketti.
Ol jol apatyna qatysty basqa da tustardy Almaty qalalyq jol polıtsııasy men anyqtaýshylar naqtylaıdy.
