Almatyda birneshe kólik qatarynan soqtyǵysty
ALMATY. QazAqparat - Almatyda Saına men Jandosov kósheleriniń mańynda 5 kólik soqtyǵysty. Bolǵan oqıǵanyń mán-jaıyn eshkim anyqtap bere almady, dep habarlaıdy QazAqparat tilshisi oqıǵa ornynan.
Jol-kólik oqıǵsynyń kýágerleriniń aıtýynsha, Saına dańǵylynyń boıymen ońtústikke qaraı Mercedes-Benz kóligi jyljyp bara jatqan. Ol Jandosov kóshesiniń boıynan oń jaqqa qaraı buryla bastaǵan sátte Hıýndaı markili kóligimen soqtyǵysyp, sońǵysy Toyota Prado markili kóligin qaǵyp ótken.
Osy jol-kólik oqıǵasynan taǵy eki kólik soqtyǵysty - Mercedes-Benz Mitsubishi Delica men Toyota RAV4 kóligin soqty. Osylaısha barlyǵy 5 kólik apatqa tústi.
Abyroı bolǵan jol apatynan eshkim zardap shekken joq. Alaıda jol apatyna túsken kólik júrgizýshileriniń birde-bireýi oqıǵanyń mán-jaıyn túsindirip bere almady. Qazir oqıǵa ornynda Almaty qalasynyń tártip saqshylary jumys istep jatyr.
