Almatyda birneshe qoǵamdyq kóliktiń baǵdary ýaqytsha ózgerdi
ALMATY. QazAqparat- 4 aqpan kúni Almatyda túsirilim jumystaryna baılanysty birneshe avtobýstyń júrý baǵyty ýaqytsha ózgeredi, dep habarlaıdy QazAqparat tilshisi.
Atap aıtqanda, Almaty qalasynda 4 aqpan kúni saǵat 12:00-den 5 aqpan tańǵy saǵat 08:00-ge deıin №45, 95, 121 baǵyttardyń syzbalary ýaqytsha ózgeretin bolady.
№45 - shyǵys baǵytta - Tımırıazev kóshesi – Jeltoqsan kóshesi - Abaı dańǵyly - Dostyq dańǵyly - budan ári syzba boıynsha, keri baǵytta - Dostyq dańǵyly - Abaı dańǵyly - Jeltoqsan kóshesi - budan ári syzba boıynsha;
№95 jáne № 121 – shyǵys baǵytta - Sátbaev kóshesi – Jeltoqsan kóshesi - Abaı dańǵyly - Dostyq dańǵyly - budan ári syzba boıynsha, keri baǵytta – Dostyq dańǵyly – Abaı dańǵyly – Jeltoqsan kóshesi – Sátpaev kóshesi – budan ári syzba boıynsha.
Sonymen qatar fılm túsirilimine baılanysty 4 aqpanda saǵat 12:00-den 5 aqpan 8:00-ge deıin Nazarbaev dańǵylynan Jeltoqsan kóshesine deıingi Respýblıka alańy qozǵalys úshin ýaqytsha jabylady.
«Túsirilim barysynda tútin, pırotehnıkalyq quraldar qoldanylady, sondaı-aq qatty ári shuǵyl dybysty kórinister bolady. Keıde túsirilim adam kóp jınalatyn orynda da bolady»,- dep habarlady ákimdikten.
