Almatyda birneshe baǵyttyń avtobýstary jańardy
ALMATY. QazAqparat - Qyzmet kórsetý sapasyn arttyrý maqsatynda 2 jeltoqsannan bastap №202 jáne №205 marshrýttarǵa Foton markaly jańa avtobýstar shyǵarylatyn bolady, dep habarlaıdy QazAqparat tilshisi.
Almaty qalalyq mobıldilik basqarmasynyń málimetinshe, endi marshrýttarda syıymdylyǵy 85 adamǵa deıingi 12 metrlik avtobýstar qyzmet kórsetedi. Avtobýstar tabıǵı gazben júredi, pandýs pen aýa salqyndatqyshpen jabdyqtalǵan.
Buǵan deıingi avtobýstardyń syıymdylyǵy 70 adamǵa deıin bolǵan.
«№202 marshrýtta LıAZ markaly 15 avtobýs qyzmet kórsetken. Sońǵy aılarda josparly shyǵý 40%-ǵa tómendegendikten, 20 jańa avtobýsty osy marshrýtqa shyǵarý týraly sheshim qabyldandy. Jyljymaly quram jańartylǵannan keıin júrý jıiligi 14-15 mınýt bolady dep josparlanyp otyr»,- dep habarlady basqarmadan.
Sonymen qatar, Saıran avtobeketi men Qaskeleń arasynda qatynaıtyn marshrýttyń jolaýshylar aǵymy aıyna 160 myńnan 400 myńǵa artpaq.
«Sońǵy kezderi jospar boıynsha shyǵýdyń 50%-y ǵana qamatamasyz etilip júrgen №205 marshrýtta 18 avtobýs qyzmet kórsetti. Endi «Orbıta» shaǵynaýdanynan Jetisý bazaryna qatynaıtyn marshrýtta 25 jańa avtobýs jolǵa shyǵarylyp, júris ıntervaly 7-9 mınýtty quraıtyn bolady. Jolaýshylar aǵyny bul marshrýtta aıyna 300 myńnan 500 myńǵa ósedi dep kútilip otyr. Marshrýttarda týyndaǵan máseleler kezeń-kezeńimen sheshimin tabatyn bolady», - dep atap ótti qalalyq mobıldilik basqarmasynan.
