Almatyda birneshe aýdan turǵyndary aýyzsý tapshylyǵyn sezinýde
ALMATY. QazAqparat - Almaty qalasynyń Naýryzbaı aýdanyndaǵy birneshe shaǵyn aýdannyń turǵyndary aýyzsý tapshylyǵyn sezinýde, dep habarlaıdy QazAqparat tilshisi.
Bul týraly aýdan ákimi Sanjar Toǵaıdyń eseptik kezdesýinde aıtyldy. Jıynda «Taýjoly» shaǵyn aýdanynyń turǵyny sýdyń jetpeıtigin kóterdi.
«Mańyzdy máselelerdiń biri - sýmen jabdyqtaý jáne burý. Naýryzbaı aýdanyndaǵy «Taýjoly» shaǵynaýdanynda negizinen jer úıler ornalasqan. Jeke sektordyń barlyǵy saıajaı sanatyna jatady. ıAǵnı, turǵyn úı mártebesi joq. Sońǵy 20-30 jyl ishinde Qarasaı aýdanynda kóptegen qurylys júrdi.Ondaǵy jer ýchaskeleri shaǵyn bolǵandyqtan, ondaǵy qubyrlarda jińishke dm 15 mm ǵana. Oyń 80% tozǵan. Sýmen jabdyqtaý kólemi jetkiliksiz. Mundaı másele «Taýjolynda» da bar. Eski sý qabyldaǵyshtan keletin qubyr Naýryzbaı aýdanyn ǵana emes, Qarasaı aýdanynyń da bir bóligin Qyrǵaýyldy, Jańaturmys aýyldaryn da sýmen qamtasasyz etedi. Sondyqtan sý jetispeıdi «, - dep túsindirdi aýdan ákimi Sanjar Toǵaı.
Sonymen qatar, ol búginde qala ákiminiń tapsyrmasymen sýmen qamtamasyz etý máseleleri sheshilip jatqanyn atap ótti.
«Biz alty yqshamaýdanda, onyń ishinde Taýjolynda sýmen jabdyqtaý jáne sý burý jelilerin salyp jatyrmyz. Meniń oıymsha, másele jaqyn arada sheshiledi. Qurylys-montajdaý jumystarynyń jobalaý merzimi 2-2,5 jyl. Mundaǵy qurylys ótken jyldyń kókteminde bastaldy. Biz ony bıyl aıaqtaımyz dep josparlap otyrmyz. Osydan keıin árbir tutynýshymen kelisimshart jasalady», - dep jaýap berdi aýdan ákimi.
«Qaraǵaıly» shaǵynaýdanynyń turǵyny da ákimge osyndaı saýal joldady.
«Úsh shaǵyn aýdanda sýmen jabdyqtaý jáne sý burý jelileriniń qurylysyn bastadyq, onyń ishinde «Qaraǵaıly» shaǵyn aýdany da bar. Sáýir aıynda osy másele boıynsha tenderge qatysty jumystar bastalmaq. Ózderińiz biletindeı, osy yqshamaýdandaǵy sý talapqa saı kelmeıdi. Onyń ústine qysta qubyr qatyp qalady. Kelesi jyly sý kásipornynyń qurylysy aıaqtalsa, súzgi ornatamyz. Biz eki jyl aýdandy taza aýyz sýmen qamtamasyz etýdi josparlap otyrmyz.
Qazir sý jetispeıdi. Byltyr jazda sýdy kólikpen tasyttyq. Biz bul problemany. Qala ákimi bul máseleni jeke baqylaýynda ustaıdy. Ár apta saıyn merdigerlermen, turǵyndarmen kezdesip turady. Eki jyl ishinde biz 10 shaǵyn aýdandy sýmen qamtamasyz etemiz, dep josparlap otyrmyz «, - dep jaýap berdi Sanjar Toǵaı.
