Almatyda «Birligimiz jarasqan!» ulttyq syılyǵynyń laýreattary marapattaldy
Olar - 18 balany tárbıelep otyrǵan (olardyń 15-i asyrap alǵan balalar) qaraǵandylyq Chervıakovtar otbasy; Aqjar qalasynan birneshe dúrkin álem rekordshysy, halyqaralyq dárejedegi sport sheberi, óziniń saıystarynan túsken qarajatty ár túrli aktsııalar men is-sharalarǵa aýdarǵan, tegin oqıtyn sport mektebin ashqan Vladımır Gashýta; qyryq jyl eńbegin balalar men analar ómirin qutqarýǵa arnap kele jatqan dáriger Qaınıjamal Mýsına; talaı adamdardyń ómirin ajal aýzynan alyp qalǵan aýdandyq dáriger-hırýrg Vladımır Plotnıkov; 5 jasar balany janyp jatqan úıden qutqarǵan Almaty oblysynyń 7-synyp oqýshysy Іlııas Jandos; etıka jáne psıhologııa pánderiniń muǵalimi, atalmysh sala boıynsha birneshe pánderdi ázirlep, dáris berip júrgen, sonymen qatar jeti jyldan beri eriktiler qozǵalysyn damytýmen aınalysyp kele jatqan pavlodarlyq Svetlana Gladysheva; órtten eki áıel men bir er adamdy aman alyp qalǵan, belsendi qostanaılyq sportshy Mıhaıl Vodopıanov; «Drýjnye rebıata» respýblıkalyq balalar gazeti bóliminiń redaktory, birneshe ondaǵan jýrnalısterdi tárbıelegen almatylyq Olga Gýmırova; múmkindigi shekteýli jandarǵa jaǵdaı jasap, sal adamdardy biriktiretin qoǵamdyq uıym quryp, ınvataksı qyzmetin ashqan aqtóbelik Quralaı Báımenova; aǵartýshylyqpen, tárbıe jáne qoǵamdyq qyzmetpen aınalysyp kele jatqan fılosof, jazýshy, aqyn Beket Qarashın.
Laýreattardy quramynda Ákim Tarazı, Bıbigúl Tólegenova, Roza Rymbaeva, Aıman Musahojaeva syndy mádenıet pen ónerdiń tanymal ókilderi men qoǵam qaıratkerlerinen turatyn qoǵamdyq keńes jiberilgen ótinishterdiń ishinen tańdap aldy.
Esterińizge sala ketsek, syılyqqa úmitker bolý múmkindigi týraly 2010 jyldyń kúzinde habarlanǵan bolatyn.
«Biz ár túrli ult, din ókilderi bolsaq ta, bir shańyraqtyń astynda, bir otbasyndaı ómir súrip, qyzmet jasap kelemiz. Bizdiń barlyq jetistigimiz osy dostyqtyń arqasynda», -dedi atalmysh syılyqtyń ıegeri Qaınıjamal Mýsına. Onyń aıtýynsha, elimizdiń jetistigi men beıbit ómiri birlik pen dostyqtyń arqasynda.
«Barlyq nomınanttarǵa syılyqqa qatysqany úshin alǵys dıplomdary jiberiletin bolady. Qoǵamdyq komıtet aldaryna qoıylǵan mindetterdi tolyǵymen atqara aldy, qaharmandarymyzdyń erlikteri men jumystary kórinbeıtin bolsa da, búkil qoǵamǵa mańyzy bar, elimizdiń damýyna úles qosyp otyrǵan úzdikterdiń úzdigin tańdady», - dedi Qoǵamdyq saıasattyń damýy ınstıtýtynyń dırektory, atalmysh sharanyń uıymdastyrýshylarynyń biri Sholpan Baıbolova.
«Naqty azamattyq ustanymy ári meıirimdi júregi bar elimizdiń naǵyz qaharmandaryn quttyqtaý - biz úshin úlken qurmet. Oılamastan túrli áreketter oryndaýmen álek bolý nemese joǵary ataq ıegeri bolý mindetti emes, tek erinbeı eńbek etip, sapaly jumys jasap, óz elińe, óz otbasyńa paıda tıgizip júrseńiz de bolady. Qazirgi qazaqstandyqtar dál sondaı - meıirimdi, keńpeıil, adamgershiligi men jaýapkershiligi joǵary - bolǵandyǵyn qalaımyz. Jáne «Birligimiz jarasqan!» syılyǵynyń laýreattarynan úlgi alsa, abzal bolar edi», - deıdi «Birligimiz jarasqan!» ániniń avtorlary, «Fılıal FB» tobynyń rep-oryndaýshylary.
Sharany uıymdastyrýshylar - Qazaqstannyń Azamattyq Alıansy, Qoǵamdyq saıasattyń damýy ınstıtýty, Jasyl el, Qazaqstannyń Іsker áıelderi qaýymdastyǵy, sonymen qatar «KTK» telearnasy jáne «Habar» agenttigi.
Syılyq qaharmandaryn qoldaýǵa tek týystary men jaqyndary ǵana emes, olardy quttyqtaý úshin qazaqstandyq estrada juldyzdary da qatysty. Roza Rymbaeva, Tolqyn Zabırova, Aqjol Meıirbekov, Búrkit, «Rıngo», «Orda» toby el qaharmandaryn quttyqtap, ánmen shashý shashty.
