Almatyda birqatar úı jylýsyz qaldy
ALMATY. QazAqparat- Medeý aýdanynda jylý jelisi isten shyqty. Saldarynan birqatar úı jylýsyz qaldy, dep habarlaıdy QazAqparat tilshisi.
«Búgin, 8 qazanda dıametri 600 mm magıstraldyq qubyr isten shyqty. Saldarynan Chaıkın - Nazarbaev - ál -Farabı – Dostyq kósheleriniń boıynda ornalasqan úıler jylýsyz qaldy. Qazir aqaý shyqqan jeliler qaıta qalpyna keltirilip jatyr. Jylý búgin túngi saǵat 22:00-ge deıin beriledi»- dep habarlady «Almaty jylý jelileri» JShS baspasóz qyzmetinen.
«Almaty jylý jelileri» JShS málimetteri boıynsha, bul jylý jelisi osydan 30 jyl buryn iske qosylǵan.
Aıta keteıik, Almatyda 2021-2022 jyldardaǵy jylytý maýsymy 2 qazan kúni bastaldy.
Jylý júıesine eń aldymen densaýlyq saqtaý, bilim ǵımarattary men basqa da áleýmettik obektiler qosyldy.
