Almatyda birqatar shaǵyn aýdan sýyq sýdan ajyratylady

ALMATY. QazAqparat – Almaty qalasynyń Bostandyq aýdanyndaǵy birqatar turǵyn úıler men nysandar tańnan keshke deıin sýyq sýdan ajyratylady. Bul týraly «Almaty sý» MKK baspasóz qyzmeti málim etti, dep habarlaıdy QazAqparat tilshisi.

Vedomstvonyń málimetinshe, 18 sáýir kúni saǵat 9.00-den 18.00-ge deıin Bostandyq aýdanynyń aýmaǵynda, ıaǵnı, Kekilbaev – Vıtebskaıa – Gagarın – Levıtan kóshelerinde, sondaı-aq «Baǵanashyl -2», «Qazaqfılm», «Nur Alataý» shaǵyn aýdandarynda ornalasqan turǵyn úıler men nysandar sýyq sýdan ajyratylady.

«Sýyq sýdan ajyratý sebebi - jańa sý qubyrynyń magıstraldyq jelilerine qosylý úshin jasalyp otyr. Sýdan ajyratý kezinde densaýlyq saqtaý, bilim berý jáne áleýmettik salanyń ózge de nysandaryna sý avtotsısternalarmen jetkiziledi. Ýaqytsha qolaısyzdyqtarǵa túsinistikpen qaraýdy suraımyz», - dep habarlady «Almaty Sý» MKK baspasóz qyzmeti.