Almatyda birqatar reıs áýejaıǵa qona almady
ALMATY. QazAqparat - Almatyǵa qalyń tuman túsip, birqatar halyqaralyq reıs Shymkent pen Bishkektiń qosymsha áýejaılarynda aıaldaýǵa májbúr boldy, dep habarlaıdy QazAqparat.
Almaty Halyqaralyq áýejaıy baspasóz qyzmetiniń habarlaýynsha, tumanǵa baılanysty úsh halyqaralyq reıs ýaqytynda Almatyǵa qona almaǵan.
«Tumanǵa baılanysty úsh halyqaralyq reıs Almaty áýejaıyna qona almady. Atap aıtqanda, Ý-Tapao-Pattaııa men Dýbaıdan shyqqan ushaqtar Shymkentke qondy. Tańerteń tuman seıilgende Dýbaı 9-40-ta, Ý-Tapao 9-45-te qondy. Mınskiden shyqqan ushaq Bishkekte kútip, 8-45-te qondy. Qazir barlyq reıster qalpyna keltirildi», - dedi baspasóz qyzmetindegiler.
Sonymen qatar, Almaty halyqaralyq áýejaıynda 5-6 aqpandaǵy bir táýlik ishinde tehnıkalyq jáne ózge de sebepterge baılanysty 20 ushaq ýaqytynan keshigip ushty. Keshiktirilip ushyrylǵan reısterdiń tizimi Áýejaıdyń Feısbýktegi paraqshasynda jazyldy.
