Almatyda birqatar qurylys nysanynyń sapasy tekserildi
ALMATY. QazAqparat – Almatynyń qalalyq qurylys baqylaý basqarmasynyń basshylyǵy turǵyn úı keshenderi men ınfraqurylymdyq nysandar qurylysynyń barysymen tanysty, dep habarlaıdy Qazaqparat tilshisi.
Basqarma Naýryzbaı aýdanyndaǵy kóppáterli turǵyn úı keshenderi qurylysynyń barysymen, sondaı-aq Abaı dańǵylyn tesý jáne Áshimov kóshesi arqyly ótetin kópir salý jumystarymen tanysty.
Jekeleı alǵanda, basqarma qyzmetkerleri, tapsyrys berýshi, merdiger, avtorlyq jáne tehnıkalyq qadaǵalaý ókilderi Shuǵyla shaǵyn aýdanyndaǵy «Alma City» az qabatty turǵyn úı kesheniniń qurylysyn qarap shyqty. Onda 42 úıdiń 3-ýi salynyp jatqan bolatyn.
Budan bólek «Tımýs Construction» JShS turǵyn úı aýdany qurylysymen (20 úıdiń 5-si salynýda) tanysyp shyqty.
Nysandardy aralap shyqqannan keıin qurylys sapasyn jaqsartý boıynsha nusqaýlar men usynystar berildi.
