Almatyda birqatar kóshelerdi júrginshiler jolyna aınaldyrý kózdelýde - J.Aıtileý
Almaty qalasynyń 2030 jylǵa deıingi kezeńdi qamtıtyn bas josparyna engizilgen túzetýlerdi tanystyrý barysynda qalada aldaǵy ýaqytta birqatar kóshelerde kólik qozǵalysy toqtatylatyndyǵy aıtyldy.
«Joba boıynsha halyq arasynda «Arbat» dep atalyp ketken Jibek joly kóshesi Fýrmanov kóshesinen Sh. Qaldaıaqov kóshesine deıin tek jaıaý júrginshiler júretin kóshege aınalady. Sonymen qatar, K. Baıseıitova kóshesin Respýblıka alańy men «Astana» alańyn baılanystyratyn tolyqqandy jaıaý júrginshiler júretin kóshege aınaldyrý kózdelip otyr. Tek sol kósheniń boıynda ornalasqan turǵyn úılerge aparatyn kóldeneń jáne janama kólik joldary saqtalatyn bolady», - dedi óz sózinde Almaty qalalyq Sáýlet jáne qala qurylysy basqarmasy basshysynyń birinshi orynbasary Janat Aıtileý.
Sonymen qatar ol «Almaty-2» temir jol vokzaly men Abaı dańǵylyn baılanystyratyn Abylaı han dańǵylyn senbi jáne jeksenbi kúnderi júginshiler jolyna aınaldyrý josparda bar ekendigin jetkizdi.
«Qalanyń tarıhı ortalyq kósheleriniń biri bolǵandyqtan, Abylaı han dańǵylyn senbi jáne jeksenbi kúnderi júrginshiler júretin kóshege aınaldyrý kózdelip otyr. Sondaı-aq, Sh. Ýálıhanov pen Panfılov kóshelerin de osyndaı maqsatqa paıdalaný josparlanǵan. Osyndaı jáne basqa da túzetýler engizilgen bas jospar bıylǵy jyldyń sońyna deıin talqylanady. Al kelesi jyldyń basynda Almaty qalasynyń ákimdigi men Úkimetke maquldanýǵa jiberiledi. Eger engizilgen túzetýler bekitilse, ári qaraı jospardyń bıýdjeti belgilenip, ony iske asyrý jumystary bastalady», - dedi J. Aıtileý.
Aıta ketelik, qazirgi tańda qaladaǵy segiz aýdannyń ákimdigi mańyzdy dep sanalatyn bir-bir kósheniń boıyn jaıaý júrginshilerge yńǵaılastyryp jasaý jumystaryn júzege asyryp jatyr. ıAǵnı, olarda arnaıy velosıped júretin joldar men trotýarlar, turǵyndar demalatyn oryndar jáne balalar oınaıtyn alańqaılar salyný ústinde.
