Almatyda birqatar kóshelerdegi turǵyn úıler sýyq sýsyz qaldy

ALMATY. QazAqparat- Almatyda búgin jóndeý-qalpyna keltirý jumystaryna baılanysty birqatar kóshelerdiń boıynda ornalasqan kópqabatty turǵyn úılerdi sýyq sýmen qamtamasyz etý jumysy ýaqytsha toqtatyldy.

Bul týraly búgin «Almaty Sý Holdıngi» memlekettik kásipornynyń baspasóz qyzmetinen habarlady.

«Búgin, 12 qazanda Gagarın dańǵyly boıynda ornalasqan nómiri № 294/1, 294/2, 294/3 turǵyn úıler tańǵy saǵat 09:00-den, Medeý aýdanyndaǵy ıÝjnaıa, Glýbokaıa, Shırokaıa, Bazarbaev, Shýhov, Ýlıanovskaıa, Ahmedsafın jáne Ýkraınskaıa kóshelerinde ornalasqan tutynýshylar tańǵy 10 saǵat 40 mınýttan jáne Dýman yqshamaýdanyndaǵy Bolashaq, Han Táńiri, Altyn Emel, Táýelsizdikke 10 jyl, Aqjaıyq, Aqmeshit, Býrabaı, Arys, Qyzylqurt, Ańyraqaı, Alataý jáne Qarǵaly kósheleri boıynda turatyn tutynýshylar jóndeý-qalpyna keltirý jumystary aıaqtalǵansha ýaqytsha sýyq sýsyz qalady», - delingen habarlamada.