Almatyda birqatar kóshege tanymal tulǵalardyń esimi beriledi

ALMATY. QazAqparat - Almaty qalasy ákimdigi men máslıhatynyń ataýy joq kóshelerge jańa ataý berý týraly birlesken qaýlysy ázirlendi, dep habarlaıdy QazAqparat tilshisi.

Qalanyń birneshe aýdanynda ornalasqan ataýy joq kóshelerge kórnekti tulǵalardyń esimderi beriledi. Bul týraly aqparat «Ashyq NQA» portalynda jarııalandy. Onda Alataý aýdany «Nurkent» shaǵyn aýdanyndaǵy № 1 jobalyq ataýy bar kóshege Adnan Menderestiń esimi beriletini jazylǵan. Bostandyq aýdany «Ermensaı» shaǵyn aýdanyndaǵy № 2 jobalyq ataýy bar kóshege – Jaqsylyq Úshkempirovtiń esimi, № 4 jobalyq ataýy bar kóshege – Qarshyǵa Ahmedıarovtyń, № 5 jobalyq ataýy bar kóshege – Sholpan Jandarbekovanyń esimderi beriledi.

Bostandyq aýdany «NurAlataý» shaǵyn aýdanyndaǵy № 12 jobalyq ataýy bar kóshe – Ǵazıza Jubanova kóshesi, № 13 jobalyq ataýy bar kóshe – Kákimbek Salyqov kóshesi dep atalmaq. Sol sııaqty, Bostandyq aýdany «Nurlytaý» shaǵyn aýdanyndaǵy № 6 jobalyq ataýy bar kóshe Roza Jamanova kóshesi dep atalady. Medeý aýdanyndaǵy № 2 jobalyq ataýy bar kóshege – Tımofeı Sedelnıkovtyń esimi, № 7 jobalyq ataýy bar kóshege Máshhúr Júsiptiń esimi tańylady. Medeý aýdany «Alataý» shaǵyn aýdanyndaǵy №14 jobalyq ataýy bar kóshe Lev Gýmılev kóshesi dep atalmaq.

Almaty qalasy máslıhatynyń turaqty komıssııasynyń jáne Almaty qalasynyń onomastıkalyq komıssııasynyń, respýblıkalyq onomastıkalyq komıssııanyń oń qorytyndylary qabyldandy.

Qujat 27 sáýirge deıin qoǵamdyq talqylaý úshin «Ashyq NQA» veb-saıtynda jarııalandy.