Almatyda birqatar kóshe jabylyp, sý berý toqtatylady
ALMATY. QazAqparat - Almatyda Jeltoqsan kóshesi jabylyp, birqatar nysanǵa ystyq sý berý toqtatylady, dep habarlaıdy QazAqparat tilshisi.
Ákimdiktiń taratqan málimetine sáıkes, atalǵan aımaqta ornalasqan jylý qubyrlary jóndeledi.
«23 maýsym kúni saǵat 09.00-den 26 maýsym 06.00-ge deıin Jeltoqsan kóshesiniń birqatar bóligi jabylady. Atap aıtqanda, Jeltoqsannyń Shevchenko, Qarasaı batyr, Áıteke bı kóshelerimen qıylysatyn, sondaı-aq Maqataev-Mámetova kósheleri aralyǵyndaǵy bólikteri jol qozǵalysy úshin jabylady»,- dedi baspasóz qyzmetinen.
Sondaı-aq, jóndeý jumystaryna baılanysty Fýrmanov - Qurmanǵazy - Chaıkovskıı - Jambyl; Fýrmanov - Qabanbaı batyr - Chaıkovskıı - Bógenbaı batyr; Panfılov - Qazybek bı - Chaıkovskıı - Gogol; Abylaı han - Maqataev - Chaıkovskıı - Mametova kvadrattarynda ornalasqan nysandarǵa ystyq sý berý toqtatylady.
