Almatyda birqatar kóshe men úılerdiń aýlasyn sý basty
ALMATY. QazAqparat – Almatyda nóser jaýyn jaýyp, qala aýmaǵynda birqatar kóshe men turǵyn úılerdiń aýlasyn sý basyp qaldy. Jaýynnyń saldaryn joıýǵa tótenshe jaǵdaı qyzmetkerleri jumyldyryldy, dep habarlaıdy QazAqparat tilshisi.
Qalalyq Tótenshe jaǵdaılar departamentiniń málimetinshe, túni boıy toqtaýsyz jaýǵan jańbyrdyń saldarynan Alataý, Bostandyq jáne Jetisý aýdandarynda kósheler men turǵyn úılerdiń aýlasyna sý toldy.
«Sý basýdyń sebebi - aryq jelileriniń turmystyq qaldyqtarmen bitelip qalýy. Qala turǵyndarynan túsken habarlamalarǵa TJ departamentiniń aýdandyq bólimshelerinen sý soratyn tehnıka men adamdar jiberildi»,- dep habarlady TJD baspasóz qyzmetinen.
Aıta keterligi, «Qazgıdromet» usynǵan málimetterge sáıkes, ótken táýlikte qala aýmaǵyna 36 mm jańbyr jaýǵan, bul ortasha aılyq normadan tys. Aýa raıy boljamyna súıensek, jańbyr búgin de kúni boıy jaýady.
