Almatyda birqatar iri aýrýhanalardyń basshylary aýysty

ALMATY. QazAqparat - Almatyda birqatar iri emdeý mekemeleriniń basshylary aýysty. Bul týraly qalalyq Densaýlyq saqtaý basqarmasynyń baspasóz qyzmeti habarlady.

Atap aıtqanda, №7 klınıkalyq aýrýhananyń bas dárigeri Baımahanov Bolat Bımendeuly Syzǵanov atyndaǵy ulttyq ǵylymı hırýrgııalyq ortalyǵynyń dırektory qyzmetine taǵaıyndaldy.

Baımahanov atalǵan mekemeni 4 jyl boıy basqaryp keledi. Osy jyldary №7 emhana transplantologııa boıynsha respýblıkalyq deńgeıde aldyńǵy oryndarǵa shyqty. Ótken jyly 43 búırek, 6 baýyr aýystyryldy. 2012 jyldan beri 143 naýqastyń búıregi aýystyryldy. Bıyl mamyr aıynda sheteldik dárigerlerdiń qatysýynsyz 13-shi naýqastyń baýyry aýystyryldy.

№7 aýrýhanaǵa basshylyqqa Amanov Ánýar Tursynjanuly keldi. Ol buǵan deıin №4 aýrýhanany basqaryp kelgen. Aıta ketý kerek, atalǵan aýrýhanada engizilgen ǵylymı ádistemelerdiń sany 46-ǵa jetti.

Bul mekemege basshylyqqa qalalyq Shuǵyl jedel medıtsınalyq kómek aýrýhanasyn basqaryp kelgen Seıdýmanov Manat Turaruly taǵaıyndaldy.