Almatyda birqatar baǵdarǵa qosymsha qoǵamdyq kólik shyǵady
ALMATY. QazAqparat – Almaty marshrýttaryna qosymsha avtobýstar shyǵarylady. Bul týraly Almaty qalalyq Mobıldilik basqarmasy málim etti, dep habarlaıdy QazAqparat tilshisi.
Basqarmanyń habarlaýynsha, qoǵamdyq kólikterdegi jolaýshylar aǵymyna turaqty túrde monıtorıng júrgiziledi. Karantınniń kúsheıtilgen rejımine qaramastan, taldaý nátıjesi jekelegen baǵyttarda jolaýshylardyń artqanyn kórsetti.
«Sondyqtan 9 sáýirden bastap № 57 marshrýtqa 2 qosymsha marshrýt qosyldy, 10 sáýirden bastap taǵy 2 avtobýs iske qosylady dep josparlanýda. Sondaı-aq, 10 sáýirden bastap № 92,№ 29, № 141, № 118,№ 106, №38 marshrýttarǵa qosymsha jyljymaly birlikterdi iske qosý kútilýde»,–delingen Basqarma habarlamasynda.
Sonymen qatar, basqarma qaýipsizdik maqsatynda qalalyqtardy úıden shyqpaýǵa, avtobýsqa betperdesiz jáne avtobýs ishi 40 paıyzǵa toly bolǵan jaǵdaıda kirmeýge shaqyrady.
