Almatyda birikken ýnıversıtettik aýrýhana salynady
ALMATY. QazAqparat – Almatyda jaqynda farmatsevtıkalyq jáne medıtsınalyq klasterler paıda bolady, dep habarlaıdy QazAqparat tilshisi.
Qala ákimdigi «Innovatsııalyq tehnologııalar parki» arnaıy ekonomıkalyq aımaǵyn basqarýshy retinde «Alataý tehnoparki» JShS-ny belgiledi.
Aımaqta «Halyqaralyq aqparattyq tehnologııalar ýnıversıteti» AQ 6 myń stýdentke arnalǵan jańa kampýs qurylysyn bastamaq. Qurylysta 1000 jumys orny ashylady.
S.Asfendııarov atyndaǵy Qazaq Ulttyq medıtsınalyq ýnıversıteti janynan ashylatyn birikken ýnıversıtettik aýrýhanada 1400 tósek orny bolady.
Nysan quramyna «A.N.Syzǵanov atyndaǵy Ulttyq ǵylymı hırýrgııalyq ortalyǵy» AQ, «Onkologııa jáne radıologııa Qazaq ǵylymı zertteý ınstıtýty» AQ, «Kardıologııa jáne ishki aýrýlar ǵylymı zertteý ınstıtýty» AQ, «Pedıatrııa jáne balalar hırýrgııasy ǵylymı ortalyǵy» AQ, «Akýsherlik jáne gınekologııa men perınatalogııa ǵylymı ortalyǵy» AQ, «Psıhıkalyq densaýlyq Respýblıkalyq ǵylymı praktıkalyq» RMK kiredi.
Jobany júzege asyrý barysynda 4 myńǵa jýyq adam jumyspen qamtylady.
«Sonymen qatar, S.Asfendııarov atyndaǵy Qazaq Ulttyq medıtsınalyq ýnıversıtetiniń 11 myń stýdentke arnalǵan jańa kampýsyn salý josparlanǵan. Joba arqyly stýdentter oqý protsesinen ajyramaı otyryp praktıkalyq bilim ala alady», - dedi «ITP» AEA baspasóz qyzmetinen.
Búginde birqatar ınvestor arnaıy aımaqta zaýyt salýǵa qulyqty bolyp otyr.
1. «Viva Pharm» JShS onkologııalyq, kardıologııalyq dáriler, antıbıotıkter, analgetıkter, vıtamınder, kortıkosteroıdtardy óndiretin zaýyt ashady.
2. «Dolce Pharm» JShS toqylmaǵan materıaldan maska, qolǵap, plastyr taǵy basqalardy óndiretin óndiris ashpaq.
3. «KazTechInnovations» JShS – jasandy tynys alý apparattary, monıtor, ottegi generatorlaryn shyǵaratyn óndiris ashady
4. «Demeu Trading» JShS jeke qorǵanys quraldaryn óndiretin zaýyt ashpaqshy.
Odan bólek, 13 ınvestor Pfizer Export B.V. ókildigi, AO «AFF Nobel», «Abdi Ibrahim Global Pharm» JShS, Polpharma SA, «Serve Kazahstan» JShS, «AB Pharm 2007» JShS, «Boston Biopharma» JShS, «Akniet Pharmaceuticals» JShS, «Bırýnıfarm» JShS, «Sultan» JShS, «Fırma Kyzyl Maı» kásiporny, «Fıtoleým» JShS, «ZERDE»JShS óz jobalaryn iske asyrady.
