Almatyda Birikken Ulttar Uıymynyń úıi ashyldy
ALMATY. Qazaqparat - Almatyda Birikken Ulttar Uıymy úıiniń tusaýkeseri ótti, dep habarlaıdy Qazaqparat tilshisi.
Halyqaralyq standarttarǵa jáne qaýipsizdik talaptaryna saı salynǵan keńseniń ashylýyna elshilik korpýstarynyń jáne BUU-nyń 14 óńirlik ofısteriniń ókilderi qatysty.
Qala ákimi Baýyrjan Baıbek Almatynyń turaqty damýdy ustanatynyn atap ótti.
«Adamdarǵa arnalǵan qala» kontseptsııasy aıasynda qoǵamdyq keńistik jańǵyryp keledi. Onyń ishinde múmkindigi shekteýli jandarǵa barlyq jaǵdaılar jasalýda. BUU-nyń Damý baǵdarlamasyna saı «Turaqty kólik» jobasy júzege asyrylyp jatyr.
«Almatyda 29 konsýldyq pen saýda ókildikteri bar, sonymen qatar iri transulttyq kompanııalardyń 60-tan astam ofısi ornalasqan. Qazaqstan - beıbitshilikti súıetin ári qaýipsiz el. Memleket basshysynyń ınstıtýtsıonaldy reformalarynyń arqasynda turaqty ekonomıkalyq ósim bar. Biz qalany halyqaralyq uıymdardyń óńirlik habyna aınaldyrý úshin júıeli jumystar júrgizýdemiz. Búgin DDU Almaty deklaratsııasyna qol qoıylǵanyna 40 jyl tolýyna arnalǵan «Merler sammıtiniń» ótýine oraılastyrylǵan BUU-y jańa úıiniń tusaýkeseri bizdiń ortaq yntymaǵymyzdyń tarıhyna altyn áriptermen jazylatynyna senimdimin», - dedi Baýyrjan Baıbek.
Óz kezeginde ıÝNISEF-tiń Eýropa jáne Ortalyq Azııa elderi boıynsha óńirlik dırektory Afshan Han Almatydaǵy jańa ofıstiń óńirlik ókildikter qyzmetine tyń serpilis beretinin jáne Qazaqstannyń órkendeýine úles qosatynyn, al Qazaqstannyń BUU odan ári damýyna barynsha yqpal etetinin atap ótti.
«BUU Bas hatshysynyń atynan Qazaqstanǵa, syrtqy ister mınıstrligine, qala ákimshiligine osyndaı ıgi sharalardy júzege asyrǵandary jáne barlyq óńirlerde turaqty damýdy maqsat etkenderi úshin alǵys aıtamyn. Bul jańa ofıs halyqaralyq uıymdarmen ǵana emes, sonymen qatar eldiń daryndy jastarymen de yntymaqtastyqty nyǵaıtýǵa jańa múmkindikter beredi», - dep atap ótti Afshan Han.
BUU úıi qalanyń isker aýdanynda, Botanıka baǵy men «Atakent» kórme ortalyǵyna jáne negizgi magıstraldarǵa jaqyn jerge ornalasqan. BBU-nyń ókildigi jańa ofıske jyl sońyna deıin kóshedi degen jospar bar.
Budan buryn Almatyda Birikken Ulttar Uıymy kúnin merekeleý qarsańynda atalmysh uıymnyń jańa ǵımaratynyń resmı tusaýkeseri ótetindigi habarlanǵan bolatyn.
