Almatyda bireýdiń kóligin tapsyryspen órtegen kúdiktiler ustaldy
Almaty qalalyq Polıtsııa departamentiniń habarlaýynsha, qylmys 2021 jyldyń mamyr aıynyń sońynda bolǵan.
«Zertteý kezinde anyqtalǵandaı, bógde zatty, atap aıtqanda janǵysh suıyqtyqty paıdalanǵan úsh adam, 33 jastaǵy S.esimdi azamatshaǵa tıesili «Kıa» markaly kólikti ádeıi órtegen. Kúdiktiler ustaldy. Olar órteý faktisin moıyndady jáne A.esimdi azamattyń 400 myń teńge somasyndaǵy aqshalaı syıaqysy úshin tapsyrysty oryndaǵandaryn aıtty. Olardyń ústinen QR QK-niń 202-baby 2-bólimi boıynsha qylmystyq is qozaǵylyp, qamaýǵa alyndy», – dedi Almaty qalasy PD Tergeý basqarmasynyń bastyǵy Muhamedáli Seısenuly.
Al tapsyrys berýshiniń áreketteri QR QK-niń 28-baby 3-bólimi, 202-baby 1-bólimi boıynsha tirkeldi.
«Búgin sotqa deıingi tergeý organy A. esimdi azamatqa qatysty «qamaýda ustaý» túrindegi sharany shyǵardy», – dedi Almaty qalalyq Polıtsııa departamentiniń ókili.